Read Original Shona Union Bible 1949 Baiberi Magwaro Matȿene aMŋari Mapisarema 45 Bible Online

Mapisarema 45 - Original Shona Union Bible 1949 Baiberi Magwaro Matȿene aMŋari bible

Mapisarema 45

¹Kumutuŋgamiriri wokuimba; nomuimbirwe weShoshanimi; Pisarema raʋanakomana ʋaKora. Rwiyo rweMashiri. Rwiyo rworuɗo. Mŋoyo waŋgu unotutuma namashoko akanaka; Ndinotaura ɀinhu ɀandakaita ɀinoreʋa mambo; Rurimi rwaŋgu ipeni yomunyori unokurumidza kunyora.

²Imi makanaka‐naka kupfuʋura ʋana ʋaʋanhu; Nyasha yakaɗururirwa pamiromo yenyu; Saka Mŋari wakakuropafadzai nokusiŋgaperi.

³Suŋgai munondo wenyu paciʋuno cenyu, imi wamasimba, Ʋukuru bgenyu noʋumambo bgenyu.

⁴Fambai noʋumambo bgenyu mucikunda, Nokuɗa kweɀokwaɗi noʋunyoro nokururama; Ruʋoko rwenyu rworudyi ŋgarukudzidzisei ɀinotyisa.

⁵Miseʋe yenyu inopinza; Ʋanhu ʋanokundwa nemi; Inoɓaya pamŋoyo yaʋaʋeŋgi ʋamambo.

⁶Cigaro cenyu coʋushe, imi Mŋari, ciri’po nokusiŋgaperi‐peri; Tȿimbo yoʋushe bgenyu itȿimbo yakarurama.

⁷Makaɗa kururama, mukaʋeŋga kusarurama; Naiɀoɀo Mŋari, Mŋari wenyu, wakakuzodzai Namafuta okufara kupfuʋura shamŋari dzenyu.

⁸Ŋguʋo dzenyu dzose dzinonhuwira nemura nearosi nekasia; Maɗimbga akakufadzai aciridzwa mudzimba dzamambo dzenyaŋga dzenzou.

⁹Ʋakunda ʋamadzimambo ʋari pakati paʋanhukadzi ʋenyu ʋanokudzwa; Paruʋoko rwenyu rworudyi ʋahosi ʋamire ʋakashoŋga ndarama yeOfiri.

¹⁰Terera mukunda, raŋgarira, urereke nzeʋe yako; Kaŋganwa ʋo ʋanhu ʋako, neimba yaɓaɓa ʋako;

¹¹Ipapo mambo ucaɗa kunaka kwako; Nokuti ndiye Ishe wako; unamate kwaari iwe.

¹²Ʋuye mukunda weTiro ucaʋa’po necipo; Ʋafumi pakati paʋanhu ʋacakumbira ŋgoni dzako.

¹³Mukunda wamambo wakanaka kwaɀo‐kwaɀo mukati meimba yamambo; Ŋguʋo dzake dzakarukwa nendarama.

¹⁴Ucaperekwa kunamambo neŋguʋo dzakarukwa dzinamaʋara; Mhandara, shamŋari dzake dzinomuteʋera, Ʋacaiswa kwamuri.

¹⁵Ʋacaperekwa nomufaro nokufarisisa; Ʋacapinda mumba mamambo.

¹⁶Panɀimbo yamadziɓaɓa ako ʋana ʋako ʋacaʋa’po, Ʋaucaita macinda panyika yose.

¹⁷Ndicayeʋudzira zita renyu kuȿikira kumarudzi ose; Naiɀoɀo ndudzi dzaʋanhu dzicakuʋoŋgai nokusiŋgaperi‐peri.