Read Original Shona Union Bible 1949 Baiberi Magwaro Matȿene aMŋari Mapisarema 48 Bible Online

Mapisarema 48 - Original Shona Union Bible 1949 Baiberi Magwaro Matȿene aMŋari bible

Mapisarema 48

¹Rwiyo; Pisarema raʋanakomana ʋaKora. Jehova mukuru, unofanira kurumbidzwa kwaɀo, Muguta raMŋari weɗu, mugomo rake dɀene.

²Rakanaka pakukwirira kwaro, mufaro wapasi pose, Ndiɀo ɀakaita gomo reZioni, pamatiʋi okumsoro, Ndiɀo ɀakaita guta raMambo mukuru.

³Padzimba dzaro dzamambo Mŋari wakaɀiratidza kuti ndiye nhare.

⁴Nokuti tarirai, madzimambo akaʋuŋgana, Akapfuʋura pamŋe cete.

⁵Ʋakariʋona, ʋakashamiswa; Ʋakavunduka, ʋakakurumidza kutiza.

⁶Ʋakaɓatwa’po nokuɗeɗera; Nokurwadziwa, somukadzi unopona.

⁷Munoputsa ɀikepe ɀeTarshishi, Nemhepo, inobva mabvazuʋa.

⁸Seɀatakanzwa, ndiɀo ɀatakaʋona Paguta raJehova wehondo, iro guta raMŋari weɗu; Mŋari ucarisimbisa nokusiŋgaperi.

⁹Takafuŋga ʋunyoro bgenyu, Mŋari, Mukati metembere yenyu.

¹⁰Seɀakaita zita renyu, Mŋari, Ndiɀo ɀakaita ʋo kurumbidzwa kwenyu kuȿikira kumigumo yapasi pose; Ruʋoko rwenyu rworudyi ruzere nokururama.

¹¹Gomo reZioni ŋgarifare, Ʋakunda ʋaJuda ŋgaʋafare kwaɀo, Nokuɗa kweɀamakatoŋga.

¹²Poteredzai Zioni, mupote naro, Muʋereŋge shoŋgwe dzaro.

¹³Cerekedzai ɀakanaka nhare dzaro, Fambai pakati pedzimba dzaro dzamambo; Kuti muzoʋudza ʋazukuru ʋenyu ʋanoteʋera.

¹⁴Nokuti Mŋari uyu ndiye Mŋari weɗu nokusiŋgaperi‐peri; Iye ucaʋa muperekedzi weɗu kuȿikira pakufa.