Read Original Shona Union Bible 1949 Baiberi Magwaro Matȿene aMŋari Mapisarema 49 Bible Online

Mapisarema 49 - Original Shona Union Bible 1949 Baiberi Magwaro Matȿene aMŋari bible

Mapisarema 49

¹Kumutuŋgamiriri wokuimba; Pisarema raʋanakomana ʋaKora. Inzwai cinhu ici, imi ʋanhu ʋose; Tererai, imi mose mugere panyika;

²Imi ʋaɗuku naʋanokudzwa, Ʋafumi naʋarombo pamŋe cete.

³Muromo waŋgu ucataura ʋucenjeri; Ʋuye kufuŋga kwomŋoyo waŋgu kucaʋa nenjere.

⁴Ndicarerekera nzeʋe yaŋgu inzwe mufananidzo; Ndicaɗudza shoko raŋgu rakaʋanzika nembira.

⁵Ndicatya neiko pamisi yeɀakaipa, Kana ɀakaipa, ɀaʋanoɗa kundidziŋga, ɀicindikomba?

⁶Iʋo, ʋanoʋimba nefuma yaʋo, Ʋanoɀikudza pamsoro pokuwanda kwefuma yaʋo;

⁷Hapana‐uŋgatoŋgodzikinura hama yake, Kana kupa Mŋari rudzikinuro pamsoro pake;

⁸(Nokuti rudzikinuro rwemŋeya yaʋo runokosha, Runofanira kuregwa nokusiŋgaperi;)

⁹Kuti arambe ari mupenyu misi yose, Arege kuʋona kuʋora.

¹⁰Nokuti unoʋona kuti ʋacenjeri ʋanofa, Ƃenzi nousinenjere ʋanopera pamŋe cete, Ʋacisiyira ʋamŋe fuma yaʋo.

¹¹Ʋanofuŋga pamŋoyo paʋo kuti dzimba dzaʋo dzicagara nokusiŋgaperi, Noʋugaro bgaʋo kuȿikira kumarudzi aʋo ose; Nyika dzaʋo ʋanodzitumidza mazita aʋo.

¹²Asi munhu haagari acikudzwa, Wakafanana nemhuka dzinopera.

¹³Iyi ndiyo nzira yamapenzi; Kunyaŋge ɀakaɗaro ʋanhu ʋanoʋateʋera ʋacitenda ɀaʋanotaura.

¹⁴Ʋakatarirwa Sheori samakwai; Rufu rucaʋa mufudzi waʋo; Ʋakarurama ʋacaɓata ʋushe pamsoro paʋo maŋgwanani; Kunaka kwaʋo kucaŋgoparadzwa neSheori, kuti kurege kuʋa noʋugaro.

¹⁵Asi Mŋari ucadzikinura mŋeya waŋgu pasimba reSheori; Nokuti iye ucandigamucira.

¹⁶Usatya hako iwe kana mumŋe munhu acifumiswa, Kana fuma yeimba yake iciwedzerwa;

¹⁷Nokuti kana acifa hapana‐caacaenda naco; Mukurumbira wake hauŋgaɓuruki ucimuteʋera.

¹⁸Kunyaŋge paʋupenyu bgake waikorokotedza mŋeya wake, (Kunyaŋge ʋanhu ʋaikurumbidza kana uciɀiitira ɀakanaka),

¹⁹Ucaenda iye kurudzi rwamadziɓaɓa ake; Iʋo haʋaŋgatoŋgoʋoni ciedza nokusiŋgaperi.

²⁰Munhu, unokudzwa, asinenjere, Wakafanana nemhuka dzinopera.