Read Original Shona Union Bible 1949 Baiberi Magwaro Matȿene aMŋari Mapisarema 5 Bible Online

Mapisarema 5 - Original Shona Union Bible 1949 Baiberi Magwaro Matȿene aMŋari bible

Mapisarema 5

¹Kumutuŋgamiriri wenziyo; nenyere. Pisarema raDavidi. Inzwai mashoko aŋgu, Jehova, Raŋgarirai kufuŋga kwomŋoyo waŋgu.

²Tererai inzwi rokucema kwaŋgu, imi Mambo waŋgu, naMŋari waŋgu; Nokuti ndinonyeŋgetera kwamuri.

³Jehova, mucanzwa inzwi raŋgu maŋgwanani; Maŋgwanani ndicakuroŋgedzerai munyeŋgetero waŋgu, ndicirindira.

⁴Nokuti hamuzi Mŋari unofarira ɀakaipa; Munhu, wakashata, haaŋgagari nemi.

⁵Munhu, unoɀikudza, haaŋgamiri pamberi penyu; Munoʋeŋga ʋose ʋanoita ɀakaipa.

⁶Mucaparadza ʋanoreʋa nhema; Jehova unosema munhu unoteʋura ropa nounonyeŋgera.

⁷Asi kana ndirini, ndicapinda mumba menyu nokuwanda kwoʋunyoro bgenyu, Ndicanamata ndakariŋgira kutembere yenyu tȿene ndicikutyai.

⁸Ndifambisei, Jehova, mukururama kwenyu nokuɗa kwaʋaʋeŋgi ʋaŋgu; Gadzirai nzira yenyu pamberi paŋgu.

⁹Nokuti hapana‐kutendeka pamiromo yaʋo; Mukati maʋo makashata‐shata; Huro dzaʋo bgiro bgakashama; Ʋanoɓata kumeso norurimi rwaʋo.

¹⁰Muʋapei mhoȿa, Jehova; Ŋgaʋawe namano aʋo; Muʋadziŋge nokuɗa kwokuwanda kwokuɗarika kwaʋo; Nokuti ʋakakumukirai.

¹¹Asi ʋose ʋanoʋimba nemi ŋgaʋafare, Ŋgaʋaɗanidzire nomufaro ŋguʋa dzose, nokuti imi munoʋadzitira; Ʋose ʋanoɗa zita renyu ŋgaʋafare nemi.

¹²Nokuti mucaropafadza wakarurama; Imi Jehova, mucamukomberedza nenyasha senhoʋo.