Read Original Shona Union Bible 1949 Baiberi Magwaro Matȿene aMŋari Mapisarema 51 Bible Online

Mapisarema 51 - Original Shona Union Bible 1949 Baiberi Magwaro Matȿene aMŋari bible

Mapisarema 51

¹Kumutuŋgamiriri wokuimba. Pisarema raDavidi, paŋguʋa yakaȿika muprofita Natani kwaari, iye apinda kunaBati‐sheba. Ndinzwirei tsitsi, Mŋari, nokuɗa kwoʋunyoro bgenyu; Dzimai kuɗarika kwaŋgu nokuɗa kweŋgoni dzenyu zhinji.

²Ndisukei ɀakaipa ɀaŋgu cose, Ndinatsei ciʋi caŋgu.

³Nokuti ndinoziʋa kuɗarika kwaŋgu; Ciʋi caŋgu cinogara ciri pamberi paŋgu.

⁴Ndakakutadzirai imi, iyemi moga, Ndakaita cinhu cakaipa pamberi penyu; Kuti munzi makarurama pakutaura kwenyu, Muʋe usinemhoȿa pakutoŋga kwenyu.

⁵Tarirai, ndakaɓerekerwa muɀakaipa; Mai ʋaŋgu ʋakandigamucira muɀiʋi.

⁶Tarirai, munoɗa ɀokwaɗi pamŋoyo; Munoɗa kundidzidzisa ʋucenjeri mukati makaʋanda.

⁷Ndinatsei nehisopi, ndiʋe wakanaka, Ndishambidzei, ndicene kupfuʋura mazaya ecando.

⁸Ndinzwisei mufaro ndiʋe nomŋoyo mucena; Kuti mafupa amakavuna afare.

⁹Ʋanzirai ɀiʋi ɀaŋgu ciso cenyu, Dzimai ɀakaipa ɀaŋgu ɀose.

¹⁰Sikai mukati maŋgu mŋoyo wakacena, Mŋari; Ʋandudzai mukati maŋgu mŋeya wakarurama.

¹¹Regai kundirasha pamberi penyu; Musabvisa mŋeya wenyu mutȿene kwandiri.

¹²Dzoserai ɀe kwandiri mufaro wokuponesa kwenyu; Nditsigirei nomŋeya, unoɗa.

¹³Ipapo ndicadzidzisa ʋaɗariki nzira dzenyu; Ʋuye ʋatadzi ʋacatendeʋukira kwamuri.

¹⁴Ndirwirei pamhoȿa yeropa, Mŋari, imi Mŋari muponesi waŋgu; Ipapo rurimi rwaŋgu rucaimbira kururama kwenyu kwaɀo.

¹⁵Ishe, zarurai miromo yaŋgu; Ipapo muromo waŋgu ucaparidza kurumbidzwa kwenyu.

¹⁶Nokuti imi hamufariri ɀiɓayiro; ndiŋgaɗai ndaikupai iɀo; Hamufadzwi necipiriso cinopiswa.

¹⁷Ɀiɓayiro ɀaMŋari mŋeya wakaputsika; Mŋoyo wakaputsika nowakapxanyika, imi Mŋari hamuŋgaushoʋori.

¹⁸Itirai Zioni ɀakanaka nokuɗa kwenyu; Ʋakai maȿiŋgo eJerusarema.

¹⁹Ipapo mucafarira ɀiɓayiro ɀakarurama, necipiriso cinopiswa necipiriso cinopiswa cose; Ipapo ʋacaɓayira nzombe paartari yenyu.