Read Original Shona Union Bible 1949 Baiberi Magwaro Matȿene aMŋari Mapisarema 57 Bible Online

Mapisarema 57 - Original Shona Union Bible 1949 Baiberi Magwaro Matȿene aMŋari bible

Mapisarema 57

¹Kumutuŋgamiriri wokuimba; nomuimbirwe weAritasheti. Pisarema raDavidi, rwiyo rweMiktami; paŋguʋa yaakatiza Sauro paɓako. Ndinzwirei tsitsi, Mŋari, ndinzwirei tsitsi; Nokuti mŋeya waŋgu unotizira kwamuri; Ɀirokwaɀo, ndicatizira kumumvuri wamapapiro enyu, Kuȿikira njodzi dzapfuʋura.

²Ndicaɗanidzira kunaMŋari Wokumsoro‐soro; KunaMŋari unondiitira ɀose.

³Ucatuma muɓatsiri ari kuɗeŋga, andiponese, Kana iye, unoʋaʋarira kundimedza, acindishoʋora; Mŋari ucatuma tsitsi dzake neɀokwaɗi yake.

⁴Mŋeya waŋgu uri pakati peshumba; Ndinoʋata pasi pakati paʋanopfuta somŋoto, Iʋo ʋanakomana ʋaʋanhu, ʋanameno aneŋge mapfumo nemiseʋe, Ʋuye rurimi rwaʋo munondo unopinza.

⁵Imi mukudzwe Mŋari, pamsoro pokuɗeŋga‐ɗeŋga; Kurumbidzwa kwenyu ŋgakuʋe kumsoro kwapasi pose.

⁶Ʋakateyira tsoka dzaŋgu mumbure; Mŋeya waŋgu wakakotamiswa; Ʋakacera hunza pamberi paŋgu; Ʋawira mukati mayo ʋamene.

⁷Mŋoyo waŋgu wakasimba, Mŋari, mŋoyo waŋgu wakasimba; Ndicaimba, ɀirokwaɀo, ndicaimba nziyo dzokurumbidza.

⁸Muka iwe mŋoyo waŋgu, muka iwe muteŋgeranwa nembira; Ini ndimene ndicamuka maŋgwanani.

⁹Ndicakuʋoŋgai, Ishe, pakati pendudzi dzaʋanhu; Ndicakuimbirai nziyo dzokurumbidza pakati paʋahedeni.

¹⁰Nokuti ŋgoni dzenyu ihuru kuȿikira kuɗeŋga‐ɗeŋga, Ɀokwaɗi yenyu inoȿikira kuɗeŋga rose.

¹¹Imi mukudzwe Mŋari, kumsoro kwokuɗeŋga‐ɗeŋga; Kurumbidzwa kwenyu ŋgakuʋe kumsoro kwapasi pose.