Read Original Shona Union Bible 1949 Baiberi Magwaro Matȿene aMŋari Mapisarema 60 Bible Online

Mapisarema 60 - Original Shona Union Bible 1949 Baiberi Magwaro Matȿene aMŋari bible

Mapisarema 60

¹Kumutuŋgamiriri wokuimba; nomuimbirwe weShushani Eduti; rwiyo rweMiktami rwaDavidi, kudzidzisa; paŋguʋa yaakarwa naArami‐naharaimi naArami‐zoba, Joabi akadzoka akaʋuraya paMupata woMunyu ʋaEdomi ʋaneɀuru ɀinegumi neɀiʋiri. Mŋari, makatirasha, makatiparadza; Makaŋga makatsamŋa; Haiwa, tidzorei.

²Makabvundisa nyika; makaitsemura; Gadzirai mitswe yayo; nokuti inozunuŋguka.

³Makaratidza ʋanhu ʋenyu ɀinhu ɀinorema; Makatinwisa waini inoɓata.

⁴Makapa ʋanokutyai mureza, Kuti uratidzwe nokuɗa kweɀokwaɗi.

⁵Kuti ʋaɗikanwa ʋenyu ʋarwirwe, Tiponesei noruʋoko rwenyu rworudyi, mutipindure.

⁶Mŋari wakataura paʋutȿene bgake, aciti: Ndicafara kwaɀo; Ndicaganhura Shekemi, ndicayera mupata weSukoti.

⁷Gireadi ndeyaŋgu Manase ndeyaŋgu; Efraimi ʋo inhaʋiro yomusoro waŋgu; Juda ndiyo tȿimbo yaŋgu yoʋushe.

⁸Moabi ndiwo mudziyo waŋgu wokushambidzira; Pamsoro peEdomi ndi’po pandicakandira shaŋgu yaŋgu; Iwe Firistia, pururudza nokuɗa kwaŋgu.

⁹Ndianiko ucandiisa muguta rakasimba? Ndianiko ucandiperekedza ndiende Edomi?

¹⁰Hamuna‐kutirasha here, Mŋari? Hamuɓuɗi Mŋari, nehondo dzeɗu.

¹¹Tiɓatsirei pamudziʋisi weɗu; Nokuti kuɓatsira kwaʋanhu hakunamaturo.

¹²MunaMŋari ticaita noʋumhare; Nokuti ndiye ucatsika ʋadziʋisi ʋeɗu pasi.