Read Original Shona Union Bible 1949 Baiberi Magwaro Matȿene aMŋari Mapisarema 62 Bible Online

Mapisarema 62 - Original Shona Union Bible 1949 Baiberi Magwaro Matȿene aMŋari bible

Mapisarema 62

¹Kumutuŋgamiriri wokuimba; nomutoʋo waJedutuni. Pisarema raDavidi. Ɀirokwaɀo, mŋeya waŋgu unoŋgorindira Mŋari; Kwaari ndiko kunobva kuponeswa kwaŋgu.

²Ndiye woga ɗombo raŋgu nomuponesi waŋgu; Ndiye shoŋgwe yaŋgu yakakwirira; handiŋgazunuŋguswi ɀikuru.

³Mucaʋaʋarira munhu kuȿikira riniko, Kuti mumuʋuraye imi mose, Soruȿiŋgo runoɗo‐kuwa, noruzhowa runotȿeyama?

⁴Ʋanoŋgoraŋgana kuti ʋamusundire pasi abve paʋukuru bgake; Ʋanofarira nhema; Ʋanoropafadza nomuromo waʋo, asi ʋanotuka mumŋoyo maʋo.

⁵Mŋeya waŋgu, rindira Mŋari ɀirokwaɀo; Nokuti ndinomutarira iye.

⁶Ndiye woga ɗombo raŋgu noruponeso rwaŋgu; Ndiye shoŋgwe yaŋgu yakakwirira; handiŋgazunuŋguswi.

⁷KunaMŋari ndiko kunokuponeswa kwaŋgu nokukudzwa kwaŋgu; Ƌombo resimba raŋgu noʋutiziro bgaŋgu ɀiri kunaMŋari.

⁸Ʋimbai naye ŋguʋa dzose, imi ʋanhu; Ƌururai mŋoyo yenyu pamberi pake; Mŋari ndiye ʋutiziro bgeɗu.

⁹Ɀirokwaɀo ʋanhu ʋasiŋgakudzwi mŋeya cete, ʋuye ʋanhu ʋanokudzwa inhema; Pakuyerwa haʋaremi; Ʋose pamŋe cete ʋakareruka kupfuʋura mŋeya.

¹⁰Regai kuʋimba nokumanikidza, Regai kuɀikudza pamsoro pokupambara; Kana fuma iciwanda, regai kuinamatira nomŋoyo.

¹¹Mŋari wakataura kamŋe cete, Ndakaɀinzwa kaʋiri; Kuti simba nderaMŋari;

¹²Netsitsi ʋo ndedzenyu, Ishe; Nokuti munoitira munhu mumŋe nomumŋe seɀaakaɓata.