Read Original Shona Union Bible 1949 Baiberi Magwaro Matȿene aMŋari Mapisarema 68 Bible Online

Mapisarema 68 - Original Shona Union Bible 1949 Baiberi Magwaro Matȿene aMŋari bible

Mapisarema 68

¹Kumutuŋgamiriri wokuimba. Pisarema raDavidi, norwiyo. Mŋari ŋgaasimuke, ʋaʋeŋgi ʋake ŋgaʋaparadzirwe; Ʋanomuʋeŋga ŋgaʋatize pamberi pake.

²Muʋadziŋge, sokudziŋgwa kwoʋutsi; Sokunyauka kwenamo pamŋoto, Saiɀoɀo ʋakaipa ŋgaʋapere pamberi paMŋari.

³Asi ʋakarurama ŋgaʋafare; ŋgaʋafare kwaɀo pamberi paMŋari; Ŋgaʋafare nokufara kukuru.

⁴Imbirai Mŋari, imbirai zita rake nziyo dzokurumbidza; Mumugadzirire mugwagwa wakanaka, iye unofamba neŋgoro napamarenje; Zita rake ndiJehova; farai kwaɀo pamberi pake.

⁵Ƃaɓa ʋenherera, nomutoŋgi wemhoȿa dzecirikadzi, Ndiye Mŋari paʋugaro bgake ʋutȿene.

⁶Ʋakaŋga ʋari ʋoga, Mŋari unoʋagarisa pamhuri; Unoɓuɗisira ʋasuŋgwa kumufaro; Asi ʋanomumukira ʋanogara panyika yakawoma.

⁷Mŋari, paŋguʋa yamakatuŋgamirira ʋanhu ʋenyu, Paŋguʋa yokufamba kwenyu murenje;

⁸Pasi pakabvunda, Kuɗeŋga‐ɗeŋga kwakaɗonha pamberi paMŋari; Nairo Sinai rakabvunda pamberi paMŋari, iye Mŋari waIsraeri.

⁹Imi Mŋari makanisa mvura zhinji, Makasimbisa nhaka yenyu paŋguʋa yokuneta kwayo.

¹⁰Ʋuŋgano yenyu yakagara’mo; Imi Mŋari makagadzirira ʋarombo ɀakanaka ɀenyu.

¹¹Ishe wakataura shoko: Ʋakadzi ʋakaparidza shoko ʋaiʋa ʋazhinji‐zhinji.

¹²Madzimambo ehondo anotiza, anotiza; Mukadzi wakasara kumusha ndiye unogoʋera ɀakapambga.

¹³Kana imi moʋata pasi pakati pamataŋga amakwai, Ɀakafanana namapapiro enjiʋa akafukidzwa nesirveri, Neminheŋga yakafukidzwa nendarama tȿuku.

¹⁴Paŋguʋa iyo Wamasimba‐ose yaakaparadza madzimambo’mo, Ɀakafanana nokuwa kwecando paZarmoni.

¹⁵Gomo reBashani igomo raMŋari; Gomo reBashani igomo refu‐refu.

¹⁶Imi makomo marefu, munogoɗorerei Iro gomo rakaɗikanwa naMŋari kuti agare mariri? Jehova ucagara mariri nokusiŋgaperi.

¹⁷Ŋgoro dzaMŋari dzinoȿika ɀuru ɀinamakumi maʋiri, ɀuru ɀeɀuru ɀamazana; Ishe uri pakati padzo, seɀaakaita paSinai, panɀimbo tȿene.

¹⁸Makakwira kumsoro, mukatapa ʋatapxa ʋenyu; Makagamucira ɀipo pakati paʋanh Ɀirokwaɀo pakati paʋakakumukirai ʋo, kuti Jehova Mŋari agare naʋo.

¹⁹Ishe ŋgaaʋoŋgwe, iye unotakura mitoro yeɗu zuʋa rimŋe nerimŋe, Iye Mŋari muponesi weɗu.

²⁰Mŋari ndiye Mŋari unotirwira; Jehova Ishe ndiye unenzira dzokuɓuɗa murufu.

²¹Asi Mŋari ucatema musoro waʋaʋeŋgi ʋake, Paganda romusoro rinevudzi romunhu unorambira pakutadza kwake.

²²Ishe wakati: Ndicaʋadzosa paBashani, Ndicaʋadzosa ɀe paguŋgwa rakadzika;

²³Kuti unyike rutsoka rwako muropa, Kuti ndimi dzembga dzako dziʋe nomugoʋe wadzo paʋaʋeŋgi ʋako.

²⁴Ʋakaʋona mafambire enyu, Mŋari, Mafambire aMŋari waŋgu, Mambo waŋgu, acipinda panɀimbo tȿene.

²⁵Ʋaimbi ʋakatuŋgamira, ʋaridzi ʋemiteŋgeranwa ʋakateʋera, Pakati paʋasikana ʋakaŋga ʋaciridza makandira.

²⁶Rumbidzai Mŋari paʋuŋgano, Iye Ishe, iyemi ʋetsime raIsraeri.

²⁷Benjamini muɗuku, muɓati waʋo, uri’po, Namacinda aJuda naʋazhinji ʋaʋo, Namacinda aZeburuni, namacinda aNaftari.

²⁸Mŋari wako wakaraira simba rake; Simbisai, Mŋari, iɀo ɀamakatiitira.

²⁹Nokuɗa kwetembere yenyu paJerusarema Madzimambo acakuʋigirai ɀipo.

³⁰Tukai cikara cetsaŋga, Hando zhinji, nemhuru dzendudzi dzaʋanhu, Ʋaɀiwisire pasi petsoka nemari yesirveri; Muparadzire ʋanhu ʋanofarira kurwa.

³¹Macinda acaɓuɗa Egipita; Etiopia icakurumidza kutambanudza maʋoko ayo kunaMŋari.

³²Imbirai Mŋari, imi ʋushe bgapasi; Imbirai Ishe nziyo dzokurumbidza.

³³Iye unotaȿa paɗeŋga rokuɗeŋgaɗeŋga, iro rakare nakare; Inzwai, unoɓuɗisa inzwi rake, inzwi rinesimba.

³⁴Ipai Mŋari simba; Ʋukuru bgake ʋuri pamsoro paIsraeri, Simba rake riri mumakore.

³⁵Imi Mŋari munotyisa panɀimbo dzenyu tȿene; Mŋari waIsraeri ndiye unopa ʋanhu ʋake simba noʋushe. Mŋari ŋgaaʋoŋgwe.