Read Original Shona Union Bible 1949 Baiberi Magwaro Matȿene aMŋari Mapisarema 72 Bible Online

Mapisarema 72 - Original Shona Union Bible 1949 Baiberi Magwaro Matȿene aMŋari bible

Mapisarema 72

¹Pisarema raSoromoni. Ipai mambo ɀamakatoŋga, Mŋari, Nokururama kwenyu kumŋanakomana wamambo.

²Ucatoŋgera ʋanhu ʋenyu nokururama, Naʋarombo ʋenyu ucaʋaruramisira.

³Makomo acaʋigira ʋanhu rugare, Neɀikomo, nokururama.

⁴Ucatoŋgera ʋarombo ʋaʋanhu, Ucaponesa ʋana ʋaʋashaiwi, Nokupxanya mumanikidzi.

⁵Ʋacakutyai kana zuʋa rici’po, Ʋuye kana mŋedzi uci’po, kuȿikira kumarudzi namarudzi.

⁶Ucaɓuruka iye semvura paʋushwa bgakagurirwa; Semvura inonaya iciɗiridza pasi.

⁷Nemisi yake wakarurama ucakura ɀakanaka; Rugare rwakawanda rucaʋa’po, kuȿikira mŋedzi waguma.

⁸Ucaɓata ʋushe kubva paguŋgwa kuȿikira paguŋgwa, Nokubva paRwizi kuȿikira kumigumo yapasi.

⁹Ʋagere pamarenje ʋacafugama pamberi pake; Ʋaʋeŋgi ʋake ʋacananɀa guruʋa.

¹⁰Madzimambo eTarshishi neeɀiwi acaʋuya neɀipo; Madzimambo eSheba neSeba ʋacamuʋigira ɀipo;

¹¹Ɀirokwaɀo, madzimambo ose acawira pasi pamberi pake; Ndudzi dzose dzicamushumira.

¹²Nokuti ucarwira mushaiwi kana aciɗanidzira; Nomurombo usinomuɓatsiri.

¹³Ucanzwira nyasha murombo nomushaiwi, Ucaponesa mŋeya yaʋashaiwi.

¹⁴Ucadzikinura mŋeya yaʋo pakutambudzika napakumanikidzwa; Ropa raʋo ricaʋa cinhu cinokosha pamberi pake;

¹⁵Iye ucararama, ucapiwa ndarama yeSheba; Ʋanhu ʋacaramba ʋacimunyeŋgeterera; Ʋacamuʋoŋga zuʋa rose.

¹⁶Kucaʋa neɀiyo ɀizhinji pasi pamsoro pamakomo; Ɀiɓereko ɀaɀo ɀicawuŋga seRebanoni; Ʋanogara paguta ʋacakura soʋuswa pasi.

¹⁷Zita rake ricaʋa’po nokusiŋgaperi; Zita rake ricagara riri’po paŋguʋa yose yokuʋa’po kwezuʋa; Ʋanhu ʋacaropafadzwa maari; Ndudzi dzose dzicati: Unomufaro.

¹⁸Jehova Mŋari, iye Mŋari waIsraeri, ŋgaarumbidzwe, Iye oga unoita ɀinoshamisa.

¹⁹Zita rake rinobginya ŋgarirumbidzwe nokusiŋgaperi; Pasi pose ŋgapazadzwe nokubginya kwenyu. Ameni, Ameni.

²⁰Minyeŋgetero yaDavidi mŋanakomana waJese yapera.