Read Original Shona Union Bible 1949 Baiberi Magwaro Matȿene aMŋari Mapisarema 73 Bible Online

Mapisarema 73 - Original Shona Union Bible 1949 Baiberi Magwaro Matȿene aMŋari bible

Mapisarema 73

¹Pisarema raAsafi. Ɀirokwaɀo Mŋari unoitira Israeri ɀakanaka, Iʋo ʋanemŋoyo yakacena.

²Asi kana ndirini, tsoka dzaŋgu dzakaŋga dzotsauka; Makumbo aŋgu akaŋga otedzemuka.

³Nokuti ndakaŋga ndicigoɗora ʋanamanyawi, Pakuʋona kwaŋgu kufara kwaʋakaipa.

⁴Nokuti haʋatambudziki pakufa kwaʋo; Asi muʋiri waʋo unesimba.

⁵Haʋanenjodzi saʋamŋe ʋanhu; Haʋatambudzwi saʋamŋe ʋanhu.

⁶Saka kuɀikudza kwaʋo kwakafanana noruketani pamitsipa yaʋo; Kumanikidza kunoʋafukidza seŋguʋo.

⁷Meso aʋo anoɓuɗa nokukora; Ɀaʋanofuŋga pamŋoyo ɀinofashamira;

⁸Ʋanoseka, ʋacireʋa pakuipa kwaʋo ɀinomanikidza ʋamŋe; Ʋanotaura ʋaciɀikudza.

⁹Ʋakataurira kuɗeŋga nemiromo yaʋo, Ndimi dzaʋo dzinofamba‐famba pasi.

¹⁰Saka ʋanhu ʋake ʋanodzokera ikoko; Ʋanoȿinirwa mvura zhinji, mukombe uzere.

¹¹Ɀino ʋanoti: Mŋari uŋgaziʋa seiko? Wokumsoro‐soro uŋgaʋa nokuziʋa here?

¹²Tarirai, ndiɀo ɀakaita ʋakaipa; Ʋanowedzera fuma yaʋo ʋaciŋgogara ʋasiŋgatamburi.

¹³Ɀirokwaɀo ndakanatsa mŋoyo waŋgu pasina, Nokushambidza maʋoko aŋgu ndisinemhoȿa;

¹⁴Nokuti ndakatambudzwa zuʋa rose, Ndakaraŋgwa maŋgwanani ose.

¹⁵Kana ndaiti: Ndicataura kuɗai; Tarirai, ndainyeŋgera rudzi rwaʋana ʋenyu.

¹⁶Ɀino ndakaramba ndicifuŋga kuti ndiɀinzwisise, Asi ɀakandiremera kwaɀo;

¹⁷Kuȿikira ndapinda panɀimbo tȿene yaMŋari, Ndikatarira kuguma kwaʋo.

¹⁸Ɀirokwaɀo munoʋaisa panotedza; Munoʋawisira pasi kuti ʋaparadzwe.

¹⁹Haiwa, ʋanoparadzwa kamŋe‐kamŋe! Ʋanopedzwa cose neɀinotyisa.

²⁰Seɀakarotwa, kana munhu apepuka; Saiɀoɀo, Ishe, mucashoʋora mufananidzo waʋo, kana mucimuka.

²¹Nokuti mŋoyo waŋgu wakacema, Ndakaɓayiwa patȿo dzaŋgu.

²²Ndakaŋga ndiri ɓenzi, ndisiŋgaziʋi cinhu; Ndakaŋga ndakafanana nemhuka pamberi penyu.

²³Kunyaŋge ɀakaɗaro ndinoramba ndinemi; Makaɓata ruʋoko rwaŋgu rworudyi.

²⁴Mucandiperekedza nezano renyu, Ndokuzondigamucira pakubginya.

²⁵Ndianiko kuɗeŋga, kana musi’mi? Napasi hapana‐wandinoɗa kunze kwenyu.

²⁶Nyama yaŋgu nomŋoyo waŋgu ɀinopera; Asi Mŋari ndiye ɗombo romŋoyo waŋgu nomugoʋe waŋgu nokusiŋgaperi.

²⁷Nokuti tarirai, ʋari kure nemi ʋacapera; Makaparadza ʋose ʋakakusiyai noʋupombge bgaʋo.

²⁸Kana ndirini, kusweɗera pedyo ari ndiɀo ɀinondifadza; Ishe Mŋari ndakamuita nhare yaŋgu, Kuti ndiparidze maɓasa enyu ose.