Read Original Shona Union Bible 1949 Baiberi Magwaro Matȿene aMŋari Mapisarema 74 Bible Online

Mapisarema 74 - Original Shona Union Bible 1949 Baiberi Magwaro Matȿene aMŋari bible

Mapisarema 74

¹Rwiyo rweMashiri rwaAsafi. Haiwa Mŋari, makatirashireiko nokusiŋgaperi? Hasha dzenyu dzinopfuŋgairira makwai amafuro enyu nemhaka yeiko?

²Raŋgarirai ʋuŋgano yenyu yamakateŋga kare, Yamakadzikinura kuti ruʋe rudzi rwenhaka yenyu; Gomo reZioni pamakaŋga mugere.

³Simudzai makumbo enyu muʋone ɀakaparadzwa ɀisiŋgaperi, Iɀo ɀakaipa ɀose ɀakaitwa naʋaʋeŋgi panɀimbo tȿene.

⁴Ʋadziʋisi ʋenyu ʋakanduruma pakati peʋuŋgano yenyu; Ʋakamisa mireza yaʋo ɀiʋe ɀiratidzo.

⁵Ʋakafanana naʋanhu ʋakasimudza Masanhu muɗondo remiti.

⁶Ɀino ɀose ɀakaʋezwa ɀayo Ʋanoɀiputsa neɗimuro nenyundo.

⁷Ʋakapisa nɀimbo yenyu tȿene nomŋoto; Ʋakashatisa ʋugaro bgezita renyu ʋaciʋuputsira pasi.

⁸Ʋakati mumŋoyo maʋo: Ŋgatiʋaparadze pamŋe cete; Ʋakapisa nɀimbo dzose paʋanoʋuŋganira Mŋari munyika.

⁹Haticaʋoni ɀiratidzo ɀeɗu; Hapacino‐muprofita; Pakati peɗu hapanomunhu unoziʋa kuti ɀicaȿikira rini.

¹⁰Haiwa Mŋari, mudziʋisi ucashoʋora kuȿikira riniko? Muʋeŋgi ucaramba aciɀidza zita renyu nokusiŋgaperi here?

¹¹Munodzosereiko ruʋoko rwenyu, irwo ruʋoko rwenyu rworudyi? Rutambanudzei pacifuʋa cenyu, muʋapedze.

¹²Kunyaŋge ɀakaɗaro Mŋari ndiye Mambo waŋgu kubva kare, Iye unoɓata maɓasa okuponesa pakati penyika.

¹³Makapamura guŋgwa nesimba renyu; Makaputsa misoro yeɀikara ɀeguŋgwa mumvura.

¹⁴Makaputsanya misoro yeŋgwena, Makaipa ʋanhu ʋagere murenje kuti iʋe nyama yaʋo.

¹⁵Makapamura tsime neɓoporodzi; Makapxisa nzizi huru.

¹⁶Masikati ndeenyu, noʋusiku ndobgenyu ʋo; Ndimi makagadzira ciedza nezuʋa.

¹⁷Ndimi makatara miganho yose yapasi; Ndimi makaita zhezha necando.

¹⁸Raŋgarirai cinhi ici, kuti muʋeŋgi wakakuɀidzai, Jehova, Ʋuye kuti rudzi rwamapenzi rwakamhura zita renyu.

¹⁹Regai henyu kuisa kucikara mŋeya wenjiʋa yenyu; Musakaŋganwa ʋupenyu bgaʋarombo ʋenyu.

²⁰Raŋgarirai suŋgano; Nokuti nɀimbo dzinerima dzapasi dzizere noʋugaro bgaʋamanikidzi.

²¹Haiwa, ʋanomanikidzwa ŋgaʋarege kudzoka ʋacinyara; Ʋarombo naʋashaiwi ŋgaʋarumbidze zita renyu.

²²Simukai Mŋari, muɀireʋerere mhaka yenyu; Raŋgarirai kuɀidzwa kwenyu neɓenzi zuʋa rose.

²³Regai kukaŋganwa inzwi raʋadziʋisi ʋenyu; Ƃope raʋanokumukirai rinogara ricikwira.