Read Original Shona Union Bible 1949 Baiberi Magwaro Matȿene aMŋari Mapisarema 76 Bible Online

Mapisarema 76 - Original Shona Union Bible 1949 Baiberi Magwaro Matȿene aMŋari bible

Mapisarema 76

¹Kumutuŋgamiriri wokuimba; nemiteŋgeranwa. Pisarema raAsafi. Rwiyo. Mŋari unozikanwa pakati paJuda; Zita rake iguru pakati paIsraeri.

²PaSaremi ʋo ndipo panetabernakeri yake, NapaZioni ʋugaro bgake.

³Ndipo paakavuna miseʋe yoʋuta; Nenhoʋo, nomunondo, nokurwa.

⁴Imi munokubginya, makanaka kwaɀo, Kupfuʋura makomo eɀakapambga.

⁵Ʋakatsuŋga pamŋoyo, ʋakapambga, ʋakaʋata hope dzaʋo; Pakati paʋarume ʋanesimba hakuna‐wakawana maʋoko ake.

⁶Pakutuka kwenyu, Mŋari waJakobo, Ŋgoro nebiza ɀose ɀinoɓatwa nehope dzorufu.

⁷Imi, iyemi, munofanira kutyiwa; Ndianiko uŋgamira pamberi penyu kana matsamŋa?

⁸Makanzwisa ʋanhu kutoŋga kwenyu kucibva kuɗeŋga; Pasi pakatya, pakanyarara,

⁹Paŋguʋa yokumuka kwaMŋari kuzotoŋga, Kuti aponese ʋanyoro ʋose ʋapasi.

¹⁰Ɀirokwaɀo, kutsamŋa kwaʋanhu kucakurumbidzai; Munoɀisuŋga ciʋuno nokutsamŋa kwakasara.

¹¹Pikai, muripire Jehova Mŋari wenyu; Ʋose ʋakamupoteredza ŋgaʋaʋuye neɀipo kunaiye unofanira kutyiwa;

¹²Iye ucagura mŋeya yamacinda; Unotyisa kwaɀo madzimambo apasi.