Read Original Shona Union Bible 1949 Baiberi Magwaro Matȿene aMŋari Mapisarema 77 Bible Online

Mapisarema 77 - Original Shona Union Bible 1949 Baiberi Magwaro Matȿene aMŋari bible

Mapisarema 77

¹Kumutuŋgamiriri wokuimba; nomutoʋo waJedutuni. Pisarema raAsafi. Ndicaɗana kunaMŋari nenzwi raŋgu; Kunaiye Mŋari nenzwi raŋgu, ucarerekera nzeʋe yake kwandiri.

²Pazuʋa rokutambudzika kwaŋgu ndakatȿaka Ishe; Ruʋoko rwaŋgu rwakaŋga rwakatambanudzwa ʋusiku, ndisiŋgaregi; Mŋeya waŋgu wakaramba kunyaradzwa.

³Ndinoraŋgarira Mŋari, ndokushaiwa mufaro; Ndinofuŋgisisa, mŋeya waŋgu ndokuziya.

⁴Hamutenderi meso aŋgu kutsinzina; Ndinotambudzika, handigoni kutaura.

⁵Ndakaraŋgarira mazuʋa ekare, Makore eŋguʋa dzakare‐kare.

⁶Ndinoɀiyeʋudzira kuimba kwaŋgu pakati poʋusiku; Ndinotaurirana nomŋoyo waŋgu; Mŋeya waŋgu wakanɀera kwaɀo.

⁷Ko Ishe uŋgarasha nokusiŋgaperi? Haacazonzwiri ŋgoni here?

⁸Ko tsitsi dzake dzaenda cose nokusiŋgaperi? Cipikirwa cake cakakona nokusiŋgaperi here?

⁹Ko Mŋari wakaŋganwa kuʋa nenyasha? Wapfigira tsitsi dzake nyoro pakutsamŋa kwake here?

¹⁰Ipapo ndakati: Ndibgo ʋutera bgaŋgu: Asi ndicaraŋgarira makore oruʋoko rworudyi rwoWokumsoro‐soro.

¹¹Ndicareʋa ɀakaitwa naJehova; Nokuti ndicaraŋgarira ɀishamiso ɀenyu ɀakare.

¹²Ndicafuŋgisisa ʋo ɓasa renyu rose, Nokuraŋgarira ɀamakaita.

¹³Nzira yenyu, Mŋari, iri panɀimbo tȿene; Ndianiko mŋari mukuru, wakafanana naiye Mŋari?

¹⁴Ndimi Mŋari unoita ɀishamiso; Makaratidza simba renyu pakati paʋanhu.

¹⁵Makadzikinura ʋanhu ʋenyu noruʋoko rwenyu, Iʋo ʋanakomana ʋaJakobo naJosefa.

¹⁶Mvura zhinji yakakuʋonai, Mŋari; Mvura zhinji yakakuʋonai, ikatya; Pakadzika pakabvunda.

¹⁷Makore akaɗurura mvura; Ƌeŋga rose rakaɓuɗisa inzwi; Miseʋe yenyu yakafamba‐famba kwose.

¹⁸Inzwi rokutinhira kwenyu rakaŋga riri mucampupuri; Mheni dzakavenekera nyika; Pasi pakabvunda nokuzunuŋguka.

¹⁹Kufamba kwenyu kwakaŋga kuri muguŋgwa, Nenzira dzenyu mumvura zhinji‐zhinji, Makwara enyu akaŋga asiŋgazikanwi.

²⁰Makafambisa ʋanhu ʋenyu seɓoka ramakwai, Noruʋoko rwaMosesi norwaAroni.