Read Original Shona Union Bible 1949 Baiberi Magwaro Matȿene aMŋari Mapisarema 85 Bible Online

Mapisarema 85 - Original Shona Union Bible 1949 Baiberi Magwaro Matȿene aMŋari bible

Mapisarema 85

¹Kumutuŋgamiriri wokuimba. Pisarema raʋanakomana ʋaKora. Jehova, makafarira nyika yenyu; Makadzosa Jakobo pakutapxa.

²Makakaŋganwira kutadza kwaʋanhu ʋenyu, Makafukidza ɀiʋi ɀaʋo ɀose.

³Makabvisa kutsamŋa kwenyu kwose; Makaɀidzora pahasha dzenyu dzakanyanya.

⁴Tidzosei, Mŋari muponesi weɗu, Gumisai hasha dzenyu kwatiri.

⁵Ko mucaramba makatitsamŋira nokusiŋgaperi? Mucaȿitsa kutsamŋa kwenyu kumarudzi namarudzi here?

⁶Imi hamuŋgatiraramisi ɀe here, Kuti ʋanhu ʋenyu ʋafare nemi?

⁷Tiratidzei ŋgoni dzenyu, Jehova, Mutipe ruponeso rwenyu.

⁸Ndicanzwa ɀicataura Mŋari Jehova; Nokuti ucataura rugare kuʋanhu ʋake, nokuʋatȿene ʋake; Asi ŋgaʋarege kudzokera ɀe kuʋupenzi.

⁹Ɀirokwaɀo kuponesa kwake kuri pedyo naʋanomutya; Kuti kubginya kugare munyika yeɗu.

¹⁰Ŋgoni neɀokwaɗi ɀakasoŋgana; Kururama norugare ɀakaȿetana.

¹¹Ɀokwaɗi inomera pasi; Kururama kwakatarira pasi kuri kuɗeŋga.

¹²Ɀirokwaɀo, Jehova ucapa ɀinhu ɀakanaka; Nyika yeɗu icaɓereka ɀiɓereko ɀayo.

¹³Kururama kucamutuŋgamirira; Kucagadzirira tsoka dzake nzira.