Read Original Shona Union Bible 1949 Baiberi Magwaro Matȿene aMŋari Mapisarema 9 Bible Online

Mapisarema 9 - Original Shona Union Bible 1949 Baiberi Magwaro Matȿene aMŋari bible

Mapisarema 9

¹Kumutuŋgamiriri wokuimba; neMutrabeni. Pisarema raDavidi. Ndicaʋoŋga Jehova nomŋoyo waŋgu wose; Ndicaparidza maɓasa enyu ose anoshamisa.

²Ndicafara nokukufarirai ɀikuru; Ndicaimbira zita renyu nziyo dzokurumbidza, imi Wokumsoro‐soro.

³Kana ʋaʋeŋgi ʋaŋgu ʋacidzokera shure, Ʋanogumburwa nokupera pamberi penyu.

⁴Nokuti mandiruramisira mhoȿa yaŋgu; Makagara pacigaro coʋushe mucitoŋga nokururama.

⁵Makatuka ʋahedeni, makaparadza ʋakaipa, Makadzima zita raʋo nokusiŋgaperi‐peri.

⁶Ʋaʋeŋgi ʋakapera, ʋakaparadzwa nokusiŋgaperi; Makaparadza maguta aʋo, Neciyeʋudzo cawo cakaparara.

⁷Asi Jehova ugere ari mambo nokusiŋgaperi; Wakagadzira cigaro cake coʋushe kuti atoŋge.

⁸Ucatoŋga nyika nokururama, Ucatoŋga ʋanhu ɀakafanira.

⁹Jehova ucaʋa nhare yakasimba kunaʋanomanikidzwa, Nhare yakasimba paŋguʋa yokutambudzika.

¹⁰Ʋanoziʋa zita renyu ʋacaʋimba nemi; Nokuti imi Jehova hamuna‐kurasha ʋanokutȿakai.

¹¹Imbirai Jehova nziyo dzokumurumbidza, iye ugere paZioni; Ƌudzirai ɀaakaita pakati pendudzi dzaʋanhu.

¹²Nokuti iye, unotsiʋa ropa, unoʋaraŋgarira; Haakaŋganwi kucema kwaʋarombo.

¹³Ndinzwirei tsitsi, Jehova; Tarirai kumanikidzwa kwaŋgu naʋanondiʋeŋga, Imi munondisimudza pamisuʋo yorufu;

¹⁴Kuti ndiparidze kurumbidzwa kwenyu kwose; Pamisuʋo yomukunda weZioni, Ndicafarira kuponesa kwenyu.

¹⁵Ʋahedeni ʋakanyura mugomba raʋakacera; Rutsoka rwaʋo rwakaɓatwa mumumbure, waʋakaʋanza.

¹⁶Jehova wakaɀiziʋisa, wakatoŋga; Wakaipa wakateyiwa neɓasa ramaʋoko ake.

¹⁷Wakaipa ucadzokera kuSheori, Iʋo ʋahedeni ʋose, ʋakakaŋganwa Mŋari.

¹⁸Nokuti unoshaiwa haaŋgakaŋganikwi nokusiŋgaperi, Nokutarira kwomurombo hakuŋgaperi nokusiŋgaperi.

¹⁹Simukai Jehova; munhu ŋgaarege kukunda; Ʋahedeni ŋgaʋatoŋgwe pamberi penyu.

²⁰Ciʋatyisai, Jehova; Ʋahedeni ŋgaʋaziʋe kuti ʋanoŋgoʋa ʋanhu.