Read Original Shona Union Bible 1949 Baiberi Magwaro Matȿene aMŋari Mapisarema 91 Bible Online

Mapisarema 91 - Original Shona Union Bible 1949 Baiberi Magwaro Matȿene aMŋari bible

Mapisarema 91

¹Uyo ugere panɀimbo yokuʋanda yoWokumsoro‐soro Ucarambira pamumvuri woWamasimba‐ose.

²Ndicati pamsoro paJehova: Ndiye ʋutiziro bgaŋgu nenhare yaŋgu; Iye Mŋari waŋgu, wandinoʋimba naye.

³Nokuti iye ucakurwira parugombe rwomuteyi weshiri, Napahosha inoʋuraya ɀikuru.

⁴Iye ucakufukidza nemhineŋga yake, Ucatizira pasi pamapapiro ake; Ɀokwaɗi yake inhoʋo huru neɗuku.

⁵Hauŋgatyi cinhu cinovundusa ʋusiku, Kana museʋe unofurwa masikati;

⁶Kana hosha inofamba murima, Kana kuparadza kunoʋuraya masikati.

⁷Kurutiʋi rwako kucawa ʋanegumi ramazana, Nezana ramazana paruʋoko rwako rworudyi; Asi haɀiŋgasweɗeri kwauri.

⁸Ucaŋgoɀitarira hako nameso ako, Ukaʋona muɓayiro waʋakaipa.

⁹Nokuti imi Jehova, muri ʋutiziro bgaŋgu! Iwe wakaita Wokumsoro‐soro ʋugaro bgako.

¹⁰Hapana cakaipa ciŋgakuwira, Ʋuye hapanehosha icasweɗera patente rako.

¹¹Nokuti iye ucaraira ʋatumŋa ʋake pamsoro pako, Kuti ʋakuceŋgete panzira dzako dzose.

¹²Ʋacakusimudza pamaʋoko aʋo, Kuti urege kugumbusa rutsoka rwako pabge.

¹³Ucatsika pamsoro peshumba neciʋa; Mŋana weshumba nenyoka ucaɀitsikirira pasi.

¹⁴Ɀaakandiɗa, ndicamurwira; Ndicamuisa pakakwirira, nokuti wakaziʋa zita raŋgu.

¹⁵Iye ucaɗana kwandiri, ndicamupindura; Ini ndicaʋa naye pakutambudzika; Ndicamurwira, nokumukudza.

¹⁶Ndicamugutsa noʋupenyu ʋurefu, Nokumuratidza ruponeso rwaŋgu.