Read Original Shona Union Bible 1949 Baiberi Magwaro Matȿene aMŋari Ɀireʋo 1 Bible Online

Ɀireʋo 1 - Original Shona Union Bible 1949 Baiberi Magwaro Matȿene aMŋari bible

Ɀireʋo 1

¹Ɀireʋo ɀaSoromoni, mŋanakomana waDavidi, mambo waIsraeri:

²Kuti ʋanhu ʋaziʋe ʋucenjeri nokurairirwa; Nokunzwisisa mashoko enjere;

³Ʋarairirwe nzira yokuŋgwara, Neyokururama, nokururamisa, nokutendeka;

⁴Ʋasinamano ʋapiwe kuŋgwara, Jaya ripiwe ziʋo nokucenjera;

⁵Kuti wakacenjera anzwe, awedzere kudzidza; Nomunhu wenjere awane mano akanaka.

⁶Ʋanzwisise cireʋo nomufananidzo, Mashoko aʋakacenjera neɀirabge ɀaʋo.

⁷Kutya Jehova ndiko kuʋamba kweziʋo; Mapenzi anoshoʋora ʋucenjeri nokurairirwa.

⁸Mŋanakomana waŋgu, inzwa kurairira kwaɓaɓa ʋako; Usarasha kudzidzisa kwamai ʋako.

⁹Nokuti ɀicaʋa cishoŋgo cakanaka pamusoro wako, Noʋuketani pamutsipa wako.

¹⁰Mŋanakomana waŋgu, kana ʋatadzi ʋacikugombedzera, Usatenda iwe.

¹¹Kana ʋaciti: Hendei tose, Ŋgatirindire ropa; Ŋgatiʋandire ʋasinemhoȿa kunyaŋge pasinemhaka.

¹²Ŋgatiʋamedze ʋari ʋapenyu seSheori, Ʋari ʋakukutu saiʋo ʋanoɓurukira kugomba.

¹³Ticawana fuma yamarudzi mazhinji; Ticazadza dzimba dzeɗu neɀatakapamba;

¹⁴Iwe ucaʋa mumŋe weɗu; Tose ticaʋa necikwama cimŋe cete;

¹⁵Mŋanakomana waŋgu, usafamba naʋo nenzira yaʋo; Dzora rutsoka rwako panzira yaʋo;

¹⁶Nokuti tsoka dzaʋo dzinoʋaŋgira ɀakaipa; Ʋanokurumidza kuɗurura ropa.

¹⁷Nokuti mumbure unodzikirwa pasina Shiri dzamarudzi ose dziciɀiʋona.

¹⁸Ʋanhu aʋa ʋanogarira ropa raʋo ʋamene; Ʋanoɀiʋandira ʋupenyu bgaʋo.

¹⁹Ndiɀo ɀakaita ʋo nzira dzaʋose ʋanokarira fuma; Ɀinotorera mŋene waɀo ʋupenyu bgake.

²⁰Ʋucenjeri ʋunoɗanidzira panzira dzomumusha; Ʋunonzwisa inzwi rabgo panɀimbo dzakafara;

²¹Ʋunoɗana panɀimbo panoʋuŋgana ʋazhinji; Paʋanopinda pamasuʋo, Paguta, ndi’po paʋunotaura mashoko abgo, ʋuciti:

²²Nhai imi ʋasinamano, mucaɗa kusaʋa‐namano kuȿikira riniko? Nemi ʋaseki kufarira kuseka kwenyu, Namapenzi kuʋeŋga ziʋo?

²³Dzokai kana mucinzwa kuraira kwaŋgu, Tarirai ndicaɗurura mŋeya waŋgu pamsoro penyu; Ndicakuziʋisai mashoko aŋgu.

²⁴Ɀandakaɗana, imi mukaramba; Ndikatambanudza ruʋoko rwaŋgu, kukasaʋa nomunhu wakaraŋgarira;

²⁵Asi makaɀidza mano aŋgu ose, Mukaramba cose kuraira kwaŋgu,

²⁶Naiɀoɀo neni ʋo ndicaseka kana maʋa munhamo yenyu; Ndicakuɗaɗirai, kana kutya kwenyu kuciȿika.

²⁷Kana kutya kwenyu kuciȿika seɗutu guru, Nenhamo yenyu iciȿika secampupuri; Kana kutambudzika nokuɗumbirwa ɀicikuwirai.

²⁸Neŋguʋa iyo ʋacaɗana kwandiri, asi handiŋgapinduri; Ʋacanditȿaka ɀikuru, asi haʋaŋgandiwani.

²⁹Ɀaʋakaʋeŋga ziʋo, Ʋakasaɀitsaurira kutya Jehova,

³⁰Ʋakaramba mano aŋgu ose, Ʋakashoʋora kuraira kwaŋgu kwose,

³¹Naiɀoɀo ʋacadya ɀiɓereko ɀenzira yaʋo; Ʋacagutswa namano aʋo.

³²Nokuti kudzokera shure kwaʋasinamano kucaʋaʋuraya, Kusaʋa nehanya kwamapenzi kucaaparadza.

³³Asi aninani unonditerera ucagara ɀakasimba, Ucagadzikana, asiŋgatyi ɀakaipa.