Read Original Shona Union Bible 1949 Baiberi Magwaro Matȿene aMŋari Ɀireʋo 10 Bible Online

Ɀireʋo 10 - Original Shona Union Bible 1949 Baiberi Magwaro Matȿene aMŋari bible

Ɀireʋo 10

¹Ɀireʋo ɀaSoromoni. Mŋanakomana, wakacenjera, unofadza ɓaɓa; Asi mŋanakomana ɓenzi unoshuwisa mai ʋake.

²Fuma yakawanikwa neɀakaipa haiɓatsiri cinhu; Asi kururama kunorwira parufu.

³Jehova haaŋgatenderi mŋeya wowakarurama kuti unzwe nzara; Asi kupaŋga kwaʋakaipa unokusundira kure.

⁴Unoɓata noruʋoko rusinehanya, ucaʋa murombo; Asi ruʋoko rwousinoʋusimbe runofumisa.

⁵Unoʋuŋganidza muzhezha, ndiye mŋanakomana wakacenjera; Asi unoʋata hope mukukohwa, mŋakomana unonyadzisa.

⁶Mikomborero iri pamusoro wowakarurama; Asi muromo wowakaipa unoʋanza kumanikidza.

⁷Kuyeʋukwa kwowakarurama kunoʋigira kuropafadzwa, Asi zita rowakaipa ricaʋora.

⁸Unomŋoyo wakacenjera, ucagamucira mirairo; Asi unemiromo yoʋupenzi ucawisirwa pasi.

⁹Unofamba ɀakarurama, unofamba ɀakasimba; Asi unominamisa nzira dzake, ucazikanwa.

¹⁰Unoconya neziso rake, unoʋuyisa maɗambudzo; Asi unemiromo yoʋupenzi, ucawisirwa pasi.

¹¹Muromo wowakarurama itsime roʋupenyu; Asi muromo wowakaipa unoʋanza kumanikidza.

¹²Mbeŋgo dzinomutsa kukakaʋara; Asi ruɗo runofukidza kuɗarika kwose.

¹³Pamiromo younenjere panowanikwa ʋucenjeri; Asi shamhu yakafanira musana wounoshaiwa njere.

¹⁴Ʋakacenjera ʋanoɀiceŋgetera ziʋo; Asi muromo weɓenzi uri pedyo nokuparadzwa.

¹⁵Fuma yomufumi ndiro guta rake rakasimba; Ɀinoparadza ʋarombo ndibgo ʋurombo bgaʋo.

¹⁶Ɀaakaɓatira ɀinoisa wakarurama kuʋupenyu; Ɀakawanikwa nowakaipa ɀinoisa kuɀiʋi.

¹⁷Unoterera kurairirwa, uri panzira yoʋupenyu; Asi unoramba kurairwa, unotsausa ʋamŋe.

¹⁸Unoʋanza kuʋeŋga, unemiromo yenhema; Unamakuhwa, iɓenzi.

¹⁹Kuɗarika hakuŋgakoni pamunhu unamashoko mazhinji; Asi unodzora miromo yake, unoʋucenjeri.

²⁰Rurimi rwowakarurama rwakafanana nesirveri yakasarurwa; Mŋoyo wowakaipa hauɓatsiri cinhu.

²¹Miromo yowakarurama inosimbisa ʋazhinji; Asi mapenzi anofa nokushaiwa ziʋo.

²²Kuropafadza kwaJehova ndiko kunofumisa; Kutambura paɓasa hakuwedzeri cinhu.

²³Ƃenzi rinoti kuita ɀakaipa hutamba; Ndiɀo ɀinoita ʋo ʋucenjeri kunounenjere.

²⁴Ɀinotyiwa nowakaipa, ndiɀo ɀicamuwira; Asi wakarurama ucapiwa ɀaanoɗa.

²⁵Kana campupuri capfuʋura, wakaipa haaci’po; Asi wakarurama unenheyo dzisiŋgaperi.

²⁶Seɀinoita vinega pameno, noʋutsi pameso, Ndiɀo ɀakaita simbe kunaʋanomutuma.

²⁷Kutya Jehova kunowedzera mazuʋa; Asi makore owakaipa acatapudzwa.

²⁸Tariro yaʋakarurama mufaro; Asi kutarira kwaʋakaipa kucaparadzwa.

²⁹Nzira yaJehova inhare kunowakarurama; Asi ndiko kuparadzwa kunaʋanoita ɀakaipa.

³⁰Wakarurama haaŋgatoŋgozunuŋguswi nokusiŋgaperi; Asi ʋakaipa haʋaŋgarambi ʋagere panyika.

³¹Muromo wowakarurama unoɓuɗisa ʋucenjeri; Asi rurimi runenhema rucabviswa.

³²Miromo yowakarurama inoziʋa ɀinofadza; Asi muromo wowakaipa unotaura ɀinenhema.