Read Original Shona Union Bible 1949 Baiberi Magwaro Matȿene aMŋari Ɀireʋo 12 Bible Online

Ɀireʋo 12 - Original Shona Union Bible 1949 Baiberi Magwaro Matȿene aMŋari bible

Ɀireʋo 12

¹Unoɗa kurairirwa, unoɗa ziʋo; Asi unoʋeŋga kurairwa iɓenzi.

²Munhu wakanaka ucawana nyasha kunaJehova; Asi ucapa mhoȿa munhu unamano akaipa.

³Munhu haaŋgasimbiswi neɀakaipa; Asi mudzi wowakarurama hauŋgazunuŋguswi.

⁴Mukadzi unoita ɀakanaka, ikorona yomurume wake; Asi unonyadzisa, wakaita seɀakaʋora pamafupa ake.

⁵Mifuŋgo yowakarurama yakarurama; Asi mano aʋakaipa anonyeŋgedzera.

⁶Mashoko aʋakaipa ndookuʋandira ropa; Asi muromo waʋakarurama ucaʋarwira.

⁷Ʋanhu ʋakaipa ʋanotsindikirwa, haʋaci’po; Asi imba yaʋakarurama icaramba imire.

⁸Munhu ucarumbidzwa ɀakaenzana noʋucenjeri bgake; Asi unomŋoyo wakatsauka, ucaɀidzwa.

⁹Munhu unoninipiswa, anomuranda hake, Unopfuʋura unoɀikudza, asineɀokudya.

¹⁰Wakarurama unehanya noʋupenyu bgecipfuwo cake; Asi tsitsi dzowakaipa ihasha.

¹¹Unorima munda wake, ucaʋa neɀokudya ɀizhinji; Asi unoteʋera ɀisinamaturo, unoshaiwa njere.

¹²Wakaipa unopaŋga ɀaaŋgapamba kunaʋakashata; Asi mudzi waʋakaipa unoɓereka ɀiɓereko.

¹³Pakuɗarika kwemiromo panomusuŋgo waʋakaipa; Asi wakarurama ucaɓuɗa panhamo.

¹⁴Munhu ucagutiswa neɀakanaka ɀinobva paɀiɓereko ɀomuromo wake; Ʋuye munhu ucadzoserwa ɀaakaita namaʋoko ake.

¹⁵Nzira yeɓenzi yakanaka pakuʋona kwake; Asi wakacenjera unoterera kana acirairwa.

¹⁶Kutsamŋa kweɓenzi kunozikanwa pakarepo; Asi munhu wakacenjera unoʋanza kunyadziswa kwake.

¹⁷Munhu unoreʋa ɀokwaɗi, unoparidza ɀakarurama; Asi capupu cenhema cinoparidza kunyeŋgedzera.

¹⁸Mumŋe uri’ko unotaura nokusaraŋgarira ɀinoɓaya somunondo; Asi rurimi rwowakacenjera runoporesa.

¹⁹Muromo weɀokwaɗi ucasimbiswa nokusiŋgaperi; Asi rurimi runenhema runoŋgogara ciŋguʋa ciɗuku.

²⁰Kunyeŋgedzera kuri mumŋoyo yaʋanofuŋga mano akaipa; Asi ʋanorairira ɀorugare ʋanomufaro.

²¹Wakarurama haaŋgatoŋgowirwi necakaipa; Asi ʋakaipa ʋacazadzwa neɀakashata.

²²Miromo, inenhema, inonyaŋgadza Jehova; Asi ʋanoita nokutendeka ʋanomufadza.

²³Munhu wakacenjera unoʋanza ziʋo; Asi mŋoyo yamapenzi inoparidza ʋupenzi.

²⁴Ruʋoko rwaʋasinoʋusimbe rucaɓata ʋushe; Asi ʋanoʋusimbe ʋacaɓatiswa cibaro.

²⁵Kutambudzika pamŋoyo womunhu kunouremedza; Asi shoko nyoro rinoufadza.

²⁶Wakarurama unoperekedza wokwake ɀakanaka; Asi nzira yowakaipa inoʋarashisa.

²⁷Simbe haiɓati mhuka yayamutsa, Asi kusaʋa noʋusimbe ifuma yomunhu.

²⁸Panzira yakarurama ndi’po panoʋupenyu; Kwainoenda hakunorufu.