Read Original Shona Union Bible 1949 Baiberi Magwaro Matȿene aMŋari Ɀireʋo 13 Bible Online

Ɀireʋo 13 - Original Shona Union Bible 1949 Baiberi Magwaro Matȿene aMŋari bible

Ɀireʋo 13

¹Mŋanakomana wakacenjera unoterera kuraira kwaɓaɓa ʋake; Asi muɗaɗiri haanzwi kana acitukwa.

²Munhu ucadya ɀakanaka ɀinobva paɀiɓereko ɀomuromo wake; Asi ʋanoita nokunyeŋgedzera ʋanofarira kumanikidza.

³Unorindira muromo wake, unoceŋgeta ʋupenyu bgake; Asi unoshamisa miromo yake, ucaparadzwa.

⁴Mŋeya wesimbe unopaŋga, asi unoshaiwa; Asi mŋeya yaʋasinoʋusimbe icakodzwa.

⁵Wakarurama unoʋeŋga nhema; Asi wakaipa, unonyaŋgadza, ucanyadziswa.

⁶Kururama kunoceŋgeta wakarurama pakufamba kwake; Asi kuipa kunowisira mutadzi pasi.

⁷Mumŋe uri’ko unoɀiti ndiri mufumi, kunyaŋge asinecinhu; Mumŋe uri’ko unoɀiti ndiri murombo, asi unefuma zhinji.

⁸Rudzikinuro rwoʋupenyu bgomunhu ifuma yake; Asi murombo haanzwi kutyisidzira.

⁹Ciedza caʋakarurama cinopenya kwaɀo; Asi mŋenje waʋakaipa ucadzimŋa.

¹⁰Kuɀikudza kunoŋgoʋuyisa kukakaʋara; Asi ʋucenjeri ʋuri kunaʋanotenda kurairirwa.

¹¹Fuma, yakawanikwa nokukurumidza, icatapudzwa; Asi unoʋuŋganidza noruʋoko, ɀicawedzerwa kwaari.

¹²Tariro kana icinonoka, inoʋodza mŋoyo; Asi kana capaŋgwa coȿika, ndiwo muti woʋupenyu.

¹³Unoɀidza Shoko, wasuŋgwa naro; Asi unotya murairo, ucapiwa muɓairo.

¹⁴Kudzidzisa kwowakacenjera itsime roʋupenyu; Kuti munhu apukunyuke pamisuŋgo yorufu.

¹⁵Njere dzakanaka dzinoʋuyisa kufarirwa naʋanhu; Asi nzira yaʋatadzi ihukutu.

¹⁶Mumŋe nomumŋe, wakaŋgwara, unoita nokuziʋa, Asi ɓenzi rinokusha ʋupenzi bgaro.

¹⁷Nhume yakaipa inowira munjodzi; Asi munyai unotendwa unoporesa.

¹⁸Ʋurombo nokunyadziswa ndiwo muɓairo wounoramba kurairirwa; Asi unoterera kurairwa ucakudzwa.

¹⁹Kana ɀinoɗikanwa ɀaitwa, ɀinozipa pamŋeya; Asi mapenzi anonyaŋgadzwa kana acisiyana neɀakashata.

²⁰Fambidzana naʋakacenjera, ugoʋa wakacenjera ʋo; Asi shamŋari yamapenzi inoshatiswa.

²¹Ɀakaipa ɀicateʋera ʋatadzi; Asi ʋakarurama ʋacaripirwa neɀakanaka.

²²Munhu, wakanaka, ucasiyira ʋana ʋaʋana ʋake nhaka; Asi fuma yomutadzi inoceŋgeterwa wakarurama.

²³Munda womurombo uneɀokudya ɀizhinji; Asi mumŋe uri’ko unoparadzwa nokuɗa kwokusarurama.

²⁴Unorega shamhu unoʋeŋga mŋanakomana wake; Asi unomuɗa, unomuraŋga ɀakanaka.

²⁵Wakarurama unodya kuȿikira agutisa mŋeya wake; Asi ɗumbu rowakaipa ricashaiwa.