Read Original Shona Union Bible 1949 Baiberi Magwaro Matȿene aMŋari Ɀireʋo 14 Bible Online

Ɀireʋo 14 - Original Shona Union Bible 1949 Baiberi Magwaro Matȿene aMŋari bible

Ɀireʋo 14

¹Mukadzi mumŋe nomumŋe wakacenjera unoʋaka imba yake; Asi ɓenzi rinoiputsa namaʋoko aro.

²Unofamba nokururama kwake, unotya Jehova; Asi wakatsauka panzira dzake, unomuɀidza.

³Mumuromo weɓenzi muneshamhu yamanyawi; Asi miromo yaʋakacenjera inoʋaceŋgeta.

⁴Kana pasinenzombe, cidyiro hacineciro; Asi ɀiɓereko ɀizhinji ɀinoʋuya nesimba renzombe.

⁵Capupu, cakatendeka, hacireʋi nhema; Asi capupu cenhema cinoɓuɗisa mashoko enhema.

⁶Muɗaɗi unotȿaka ʋucenjeri, asi haʋu’po; Asi ziʋo haitani kuwanikwa naʋanenjere.

⁷Ibva pamberi peɓenzi, Nokuti hauŋgawani miromo yeziʋo kwaari.

⁸Ʋucenjeri bgomunhu wakaŋgwara ndiko kunzwisisa nzira yake; Asi ʋupenzi bgamapenzi ʋunonyeŋgedzera.

⁹Ciɓayiro ceɀiʋi camapenzi cinoɗaɗira; Asi pakati paʋakarurama panokufarirana.

¹⁰Mŋoyo mumŋe nomumŋe unoziʋa kutambudzika kwawo; Mŋeni haaŋgagoʋerani nomufaro wawo.

¹¹Imba yowakaipa icaparadzwa; Asi tente rowakarurama ricafara ɀakanaka.

¹²Munhu unoʋona nzira aciti yakarurama; Asi kuguma kwayo inzira dzorufu.

¹³Kunyaŋge munhu aŋgaseka hake, mŋoyo uŋgaʋa neshuŋgu; Kuguma kwomufaro ndiko kucema.

¹⁴Unomŋoyo, unodzokera shure, ucagutiswa nenzira dzake; Asi munhu wakanaka ucagutiswa neɀinobva maari.

¹⁵Usina mano unotenda mashoko ose; Asi wakaŋgwara unoŋgwarira mafambiro ake.

¹⁶Wakacenjera unotya ɀakashata, aciɀinɀeŋga; Asi ɓenzi rinamanyawi, riciɀitenda.

¹⁷Unokurumidza kutsamŋa, ucaita noʋupenzi; Ʋuye munhu, unofuŋga mano akaipa, ucaʋeŋgwa.

¹⁸Ʋasina mano ʋanogara nhaka yoʋupenzi; Asi ʋakaŋgwara ʋacadzikwa korona yeziʋo.

¹⁹Ʋakashata ʋanogwaɗama pamberi paʋakanaka; Naʋakaipa pamasuʋo aʋakarurama.

²⁰Murombo unoʋeŋgwa kunyaŋge nowokwake; Asi shamŋari dzaʋafumi izhinji.

²¹Unoshoʋora wokwake, unotadza; Asi unetsitsi naʋarombo, unomufaro.

²²Ko ʋanofuŋga ɀakaipa haʋarashiki here? Asi nyasha neɀokwaɗi ndeɀaʋanofuŋga ɀakanaka.

²³Kuɓata kwose kuneɓatsiro; Asi kuŋgotaura nemiromo kunoɓereka kushaiwa.

²⁴Korona yaʋakacenjera ifuma yaʋo; Asi ʋupenzi bgamapenzi ʋupenzi ɀabgo.

²⁵Capupu cakatendeka cinoponesa mŋeya yaʋanhu; Asi unoreʋa nhema unonyeŋgedzera.

²⁶Pakutya Jehova panesimbiso kwaɀo; Ʋana ʋowakaɗai ʋacaʋa noʋutiziro.

²⁷Kutya Jehova itsime roʋupenyu; Kuti munhu apukunyuke pamisuŋgo yorufu.

²⁸Ʋukuru bgamambo ʋunoʋonekwa pakuwanda kwaʋanhu; Asi kuparadzwa kwashe kuri pakushaiwa ʋanhu.

²⁹Unomŋoyo murefu unenjere kwaɀo; Asi unokurumidza kutsamŋa unowedzera ʋupenzi.

³⁰Mŋoyo wakagadzikana ndibgo ʋupenyu bgomuʋiri; Asi goɗo rinoʋodza mafupa.

³¹Unomanikidza murombo, unoɀidza Muiti wake; Asi unetsitsi nomushaiwi, unomukudza.

³²Wakaipa unowiswa pasi mukutadza kwake; Asi wakarurama unetariro pakufa kwake.

³³Ʋucenjeri ʋunogara pamŋoyo wounenjere; Asi ɀiri mukati mamapenzi ɀinozikanwa.

³⁴Kururama kunokurisa rudzi; Asi ɀiʋi ɀinonyadzisa kurudzi rupi norupi.

³⁵Mambo unofarira muranda, unoita nokucenjera; Asi unonyadzisa ucatsamŋirwa naye.