Read Original Shona Union Bible 1949 Baiberi Magwaro Matȿene aMŋari Ɀireʋo 15 Bible Online

Ɀireʋo 15 - Original Shona Union Bible 1949 Baiberi Magwaro Matȿene aMŋari bible

Ɀireʋo 15

¹Mhinduro nyoro inodzora kutsamŋa; Asi shoko rinorwadza mŋoyo rinomutsa hasha.

²Rurimi rwowakacenjera runoɓuɗisa ziʋo kwadzo; Asi muromo wamapenzi unoɗurura ʋupenzi.

³Meso aJehova ari pose‐pose; Acicerekedza ʋakaipa naʋakanaka.

⁴Rurimi runyoro muti woʋupenyu; Asi runenhema runoputsa mŋeya.

⁵Ƃenzi rinoramba kurairira kwaɓaɓa ʋaro; Asi unehanya nokurairwa, ndiye unenjere.

⁶Mumba mowakarurama munefuma zhinji; Asi kutambudzika kuri muneɀinowanikwa nowakaipa.

⁷Miromo yaʋakacenjera inokusha ziʋo; Asi mŋoyo wamapenzi hauɗaro.

⁸Ciɓayiro caʋakaipa cinonyaŋgadza Jehova; Asi munyeŋgetero wowakarurama unomufadza.

⁹Nzira yowakaipa inonyaŋgadza Jehova; Asi unoɗa munhu unoteʋera kururama.

¹⁰Kuraŋgwa kwakaipa kunoʋiŋga munhu unosiya nzira; Unoʋeŋga kurairwa ucafa.

¹¹Sheori noKuparadza ɀiri pamberi paJehova; Ndoɗa mŋoyo yaʋana ʋaʋanhu.

¹²Muɗaɗi haaɗi kurairwa; Unoramba kuenda kunowakacenjera.

¹³Mŋoyo, wakafara, unofadza ciso; Asi mŋeya unoputswa nomŋoyo uneshuŋgu.

¹⁴Mŋoyo wounenjere unotȿaka ziʋo; Asi muromo wamapenzi unogutiswa noʋupenzi.

¹⁵Mazuʋa ose omunhu, uri pakutambudzika, akaipa; Asi unomŋoyo wakafara unomutambo ŋguʋa dzose.

¹⁶Ɀirinani kuti munhu aʋe neɀishoma, acitya Jehova, Pakuti aʋe nefuma yakawanda, acinyunyuta.

¹⁷Ɀirinani kuti munhu aʋe neɀokudya ɀemiriʋo, ruɗo ruri’po, Pakuti aʋe nenzombe yakakodzwa, panembeŋgo.

¹⁸Munhu, unehasha, unomutsa kukakaʋara; Asi unomŋoyo murefu unonyaradza gakaʋa.

¹⁹Nzira yesimbe yakaita soruzhowa rweminzwa; Asi nzira yaʋakarurama yakagadzirwa.

²⁰Mŋanakomana wakacenjera unofadza ɓaɓa; Asi ɓenzi rinoshoʋora mai ʋaro.

²¹Ʋupenzi ʋunofadza munhu unoshaiwa ʋucenjeri; Asi munhu wenjere unofamba acirurama.

²²Pasiŋgaraŋganwi mano anokona; Asi kunaʋarairi ʋazhinji ndokwaanosimbiswa.

²³Munhu unofadzwa nemhinduro yakarurama yomuromo wake; Ʋuye shoko, rinotaurwa neŋguʋa yakafanira, rakanaka sei!

²⁴Nzira yoʋupenyu yowakarurama inokwira kumsoro; Kuti apukunyuke paSheori pasi.

²⁵Jehova ucaparadza imba yaʋanoɀikudza;

²⁶Asi muganho wecirikadzi unousimbisa. Mano akashata anonyaŋgadza Jehova; Asi mashoko anofadza akacena.

²⁷Unokarira fuma, unotambudza imba yake; Asi unoʋeŋga ɀipo, ucararama.

²⁸Mŋoyo wowakarurama unombofuŋga caaŋgapindura; Asi muromo wowakaipa unoɗurura ɀakaipa.

²⁹Jehova uri kure naʋakaipa; Asi unonzwa munyeŋgetero waʋakarurama.

³⁰Meso anobginya anofadza mŋoyo; Mashoko akanaka, anobva kumŋe, anokodza mafupa.

³¹Nzeʋe, inoterera kuraira, kunoisa kuʋupenyu, Icagara pakati paʋakacenjera.

³²Unoramba kurairirwa, unoshoʋora mŋeya wake; Asi unoterera kurairwa, unowana njere.

³³Kutya Jehova kunodzidzisa ʋucenjeri; Ʋuye kuɀininipisa kunotaŋgira kukudzwa.