Read Original Shona Union Bible 1949 Baiberi Magwaro Matȿene aMŋari Ɀireʋo 16 Bible Online

Ɀireʋo 16 - Original Shona Union Bible 1949 Baiberi Magwaro Matȿene aMŋari bible

Ɀireʋo 16

¹Kuraŋgarira kwomŋoyo ndokwomunhu; Asi mhinduro yorurimi inobva kunaJehova.

²Nzira dzose dzomunhu unoti dzakanaka pakuʋona kwake; Asi Jehova unoyera mŋeya.

³Isa maɓasa ako ose kunaJehova, Ɀawakaraŋgarira ɀigoitika.

⁴Jehova wakaitira cinhu cimŋe necimŋe ɓasa raco; Ɀirokwaɀo kunyaŋge nowakaipa wakaitirwa zuʋa reɀakashata.

⁵Mumŋe nomumŋe, unomŋoyo unoɀikudza, unonyaŋgadza Jehova; Ɀirokwaɀo, haaŋgakoni kurobga.

⁶Ɀakaipa ɀinodzikinurwa nenyasha neɀokwaɗi; Nokutya Jehova ʋanhu ʋanobva paneɀakashata.

⁷Kana nzira dzomunhu dzicifadza Jehova, Unomuyananisira kunyaŋge namapfumo ake.

⁸Ɀirinani kuʋa neɀishoma nokururama, Pakuʋa nefuma zhinji nokusarurama.

⁹Mŋoyo womunhu unoɀifuŋgira nzira yake; Asi Jehova unorairira kufamba kwake.

¹⁰Miromo yamambo inotema ɀireʋo ɀaɀokwaɗi; Muromo wake hauŋgaposhi pakutoŋga.

¹¹Ciyero necienzaniso, cisiŋganyeŋgeri, cinobva kunaJehova; Ɀiidzo ɀose ɀehomboɗo iɓasa rake.

¹²Ɀinonyaŋgadza kana madzimambo aciita ɀakaipa; Nokuti cigaro coʋushe cinosimbiswa nokururama.

¹³Madzimambo anofadzwa nemiromo yakarurama; Unotaura ɀinhu ɀakarurama unoɗikanwa naye.

¹⁴Kutsamŋa kwamambo kwakaita senhume dzorufu; Asi munhu wakacenjera unokunyaradza.

¹⁵Ʋupenyu ʋuri pakubginya kweciso camambo; Kana acifarira munhu ɀakaita segore remvura yokupedzisira.

¹⁶Kuwana ʋucenjeri kunokunda sei kuwana ndarama; Ɀirinani kutsaura kuwana njere pakuwana sirveri.

¹⁷Mugwagwa, wakapfumba, waʋakarurama ndiko kubva panezakaipa; Unocenjerera nzira yake unoceŋgeta mŋeya wake.

¹⁸Kuɀikudza kunotaŋgira kuparadzwa; Ʋuye mŋeya wamanyawi unotaŋgira kuwa.

¹⁹Ɀirinani kuʋa nomŋeya unoɀininipisa pakati paʋarombo, Pakugoʋana ɀakapambga naʋanoɀikudza.

²⁰Unoterera Shoko, ucawana ɀakanaka; Unoʋimba naJehova, unomufaro.

²¹Unomŋoyo wakacenjera ucanzi wakaŋgwara; Ʋuye miromo inotapira inowedzera dzidzo.

²²Njere itsime roʋupenyu kunounadzo; Asi kurairira kwamapenzi ʋupenzi.

²³Mŋoyo wowakacenjera unodzidzisa muromo wake, Uciwedzera dzidzo pamiromo yake.

²⁴Mashoko, anofadza, akaita somuȿi woʋuci, Ɀinotapira kumŋeya ɀiciporesa mafupa.

²⁵Munhu unoʋona nzira aciti yakarurama; Asi kuguma kwayo inzira dzorufu.

²⁶Nzara yomuɓati inomuɓatira; Nokuti muromo wake unomukurudzira.

²⁷Munhu, usinamaturo, unofuŋgira ʋamŋe ɀakaipa; Pamiromo yake panomŋoto unopisa.

²⁸Munhu wakatsauka unokusha kukakaʋara; Muceri unoparadzanisa shamŋari dzinoɗana.

²⁹Munhu unomanikidza, unonyeŋgedzera wokwake, Acimutuŋgamirira panzira isinokunaka.

³⁰Munhu unotsinzina meso ake, unoɀiita kuti afuŋge ɀakatsauka, Unorumana miromo yake, watoita ɀakashata.

³¹Vudzi racena ikorona yakaiȿo‐naka, Inowanikwa panzira yokururama.

³²Unomŋoyo murefu unopfuʋura unesimba; Unodzora mŋeya wake, unopfuʋura unotapa musha.

³³Mijenya inokandirwa paŋguʋo dzecifuʋa; Asi ɀireʋo ɀose ɀinotemŋa nayo ɀinobva kunaJehova.