Read Original Shona Union Bible 1949 Baiberi Magwaro Matȿene aMŋari Ɀireʋo 17 Bible Online

Ɀireʋo 17 - Original Shona Union Bible 1949 Baiberi Magwaro Matȿene aMŋari bible

Ɀireʋo 17

¹Cimeɗurwa cakawoma ceciŋgwa norugare, Cinopfuʋura imba izere neɀakaɓayiwa nokukakaʋara.

²Muranda, unoita noʋucenjeri, uŋgaraira mŋanakomana unonyadzisa, Acidya nhaka pamŋe cete naʋana.

³Hari yokunyausa ndeyesirveri, neʋira nderendarama; Asi Jehova unoidza mŋoyo yaʋanhu.

⁴Munhu, unoita ɀakaipa, unoterera miromo yakaipa; Mureʋi wenhema unorerekera nzeʋe yake kururimi rwakashata.

⁵Aninani unoseka murombo, unoɀidza Muiti wake; Unofara pamsoro penjodzi yaʋamŋe, haaŋgakoni kurobga.

⁶Ʋazukuru ikorona yaʋatana; Kukudzwa kwaʋana ndiʋo madziɓaɓa aʋo.

⁷Kutaura kwamanyawi hakufaniri ɓenzi; Ɀikuru kutaura kunenhema hakufaniri mucinda.

⁸Fufuro yakaita sebge rinokosha kana icitarirwa nomŋene wayo; Pose painoriŋgira inofadza.

⁹Munhu unofukidza kuɗarika kwomumŋe, unotȿaka ruɗo; Asi unoramba acimutsa shoko, unoparadzanisa shamŋari dzinoɗana.

¹⁰Munhu unenjere unoɓayiwa nokutukwa Kupfuʋura ɓenzi nokurobga runezana.

¹¹Munhu unomŋoyo wokumukira unoŋgotȿaka ɀakaipa; Asi ucatumirwa nhume inomŋoyo mukukutu.

¹²Ɀirinani kuti munhu asoŋgane necikara catorerwa ʋana, Pakuti asoŋgane neɓenzi paʋupenzi bgaro.

¹³Aninani unoripidzira ɀakanaka neɀakaipa, Ɀakaipa haɀiŋgabvi paimba yake.

¹⁴Kuʋamba kwokukakaʋara kwakafanana nokudziʋurira mvura; Saka rega rukaʋe, kurwa kusati kwaȿika.

¹⁵Unopembedza wakaipa, nounopa wakarurama mhoȿa, Ʋose ʋari ʋaʋiri ʋanonyaŋgadza Jehova.

¹⁶Mari iri muruʋoko rweɓenzi neiko kuti riteŋge ʋucenjeri, Ɀarisinenjere.

¹⁷Shamŋari inoɗa ŋguʋa dzose; Hama inoɓerekerwa kuti iɓatsire pakutambudzika.

¹⁸Munhu unoshaiwa njere, ndiye unoɀisuŋga noruʋoko rwake, Aciɀiitira wokwake ruɓatso.

¹⁹Unoɗa kukakaʋara, unoɗa kuɗarika; Unokurisa suʋo rake, unotȿaka kuparadzwa.

²⁰Unomŋoyo usakarurama haawani ɀakanaka; Unorurimi rusakarurama unowira munjodzi.

²¹Unoɓereka ɓenzi ucazonzwa shuŋgu; Ƃaɓa ʋeɓenzi haʋanamufaro.

²²Mŋoyo wakafara unoɓatsira munhu kupora; Asi mŋeya wakaputsika unowomesa mafupa.

²³Munhu wakaipa unogamucira fufuro inobva mucifuʋa, Kuti aminamise nzira dzokururamisira.

²⁴Ʋucenjeri ʋuri pamberi pounenjere; Asi meso eɓenzi ari pamigumo yenyika.

²⁵Mŋanakomana ɓenzi unocemedza ɓaɓa ʋake, Unoitira mai ʋakamuɓereka ɀinoʋaʋa.

²⁶Ʋuye, kuraŋga wakarurama hakuzakanaka, Nokuroʋa ʋakuru nokuɗa kwokururama kwaʋo.

²⁷Unoɀidzora pamashoko ake, uneziʋo; Ʋuye unomŋeya wakagadzikana, munhu wenjere.

²⁸Kunyaŋge neɓenzi, kana rinyerere, riŋganzi rakacenjera; Unoɓumira muromo wake, ucanzi wakaŋgwara.