Read Original Shona Union Bible 1949 Baiberi Magwaro Matȿene aMŋari Ɀireʋo 18 Bible Online

Ɀireʋo 18 - Original Shona Union Bible 1949 Baiberi Magwaro Matȿene aMŋari bible

Ɀireʋo 18

¹Unoɀiparadzanisa naʋamŋe, unoŋgotȿaka kuɗa kwake, Unorwa noʋucenjeri bgose kwabgo.

²Ƃenzi harifariri kunzwisisa, Asi kuti mŋoyo waro ufukurwe.

³Kana wakaipa aciȿika, kuɀidza kwaȿika ʋo; Pamŋe cete neɀinonyadzisa, kushoʋora kunoʋuya ʋo.

⁴Mashoko omuromo womunhu akaita semvura yakadzika; Sorukoʋa runoyerera, setsime roʋucenjeri.

⁵Kutsaura wakaipa haɀina‐kunaka; Kana kuramba wakarurama pakutoŋga.

⁶Miromo yeɓenzi inoʋuyisa kukakaʋara; Muromo waro unoɗana kurobga.

⁷Muromo weɓenzi ndiko kuparadzwa kwaro; Miromo yaro musuŋgo womŋeya waro.

⁸Mashoko omuceri akaita seɀimeɗu ɀinozipa, Ɀinoɓurukira mukati‐kati momuʋiri.

⁹Naiye unoʋusimbe pakuɓata kwake, Munuŋuna womuparadzi.

¹⁰Zita raJehova inhare yakasimba; Wakarurama unoʋaŋgira’mo ndokuceŋgetwa.

¹¹Fuma yomufumi ndiwo musha wake wakasimba, Ʋuye soruȿiŋgo rurefu pakufuŋga kwake.

¹²Mŋoyo womunhu unoɀikudza kuparadzwa kusati kwaȿika; Kuɀininipisa kunotaŋgira kukudzwa.

¹³Unopindura asati anzwa, Ɀicaʋa kwaari ʋupenzi nokunyadziswa.

¹⁴Mŋeya womunhu unomusimbisa pakurwara kwake; Asi mŋeya wakaputsika uŋgamutswa nani?

¹⁵Mŋoyo wowakacenjera unowana ziʋo; Nzeʋe yowakacenjera inotȿaka ziʋo.

¹⁶Cipo comunhu cinomuwanira nɀimbo, Cinomuisa pamberi paʋakuru.

¹⁷Unotaŋga kutambirwa mhaka yake uneŋge wakarurama; Asi wokwake unoȿika womuferefeta.

¹⁸Mijenya inogumisa kukakaʋara; Inotema cireʋo pakati paʋanesimba.

¹⁹Hama yatadzirwa inopfuʋura guta rakasimba; Kukakaʋara kwakafanana neɀipfigiso ɀeimba yamambo.

²⁰Ƌumbu romunhu rinogutiswa neɀiɓereko ɀomuromo wake; Ucagutiswa neɀakawanda ɀemiromo yake.

²¹Rurimi runesimba pamsoro porufu noʋupenyu; Ʋanoruɗa ʋacadya ɀiɓereko ɀarwo.

²²Wawana mukadzi wawana cinhu cakanaka, Waʋigirwa nyasha yaJehova.

²³Murombo unokumbira acinyeŋgetera; Asi mufumi unopindura nehasha.

²⁴Munhu uneshamŋari zhinji unoparadzwa; Asi shamŋari iri’ko inonamatira kupfuʋura hama.