Read Original Shona Union Bible 1949 Baiberi Magwaro Matȿene aMŋari Ɀireʋo 2 Bible Online

Ɀireʋo 2 - Original Shona Union Bible 1949 Baiberi Magwaro Matȿene aMŋari bible

Ɀireʋo 2

¹Mŋanakomana waŋgu, kana ukagamucira mashoko aŋgu, Nokuceŋgeta mirairo yaŋgu kwauri;

²Kuti urerekere nzeʋe yako iterere ʋucenjeri, Nokurwadza mŋoyo wako, kuti unzwisise;

³Kana ukacemera kunzwisisa, Ukaɗanidzira nenzwi rako kuti uwane njere;

⁴Ɀirokwaɀo kana ukaʋutȿaka sesirveri, Ukaʋutȿakisisa sefuma yakaʋanzwa;

⁵Ipapo ucanzwisisa kutya Jehova, Nokuwana ziʋo yaMŋari.

⁶Nokuti Jehova ndiye unopa ʋucenjeri; Mumuromo make munoɓuɗa ziʋo nenjere,

⁷Unoʋigira ʋakarurama ʋucenjeri caibgo; Ndiye nhoʋo yaʋanofamba muɀokwaɗi;

⁸Nokuti unorinda makwara okururamisa, Nokuceŋgeta nzira yaʋatȿene ʋake.

⁹Ipapo ucanzwisisa kururama nokururamisa, Nokutendeka, idzo nzira dzose dzakanaka.

¹⁰Nokuti ʋucenjeri ʋucapinda mumŋoyo mako, Ziʋo icafadza mŋeya wako;

¹¹Kuŋgwara kucakurindira, Njere dzicakuceŋgeta;

¹²Ɀikurwire panzira yeɀakaipa, Napaʋanhu ʋanotaura ɀisakarurama;

¹³Ʋanorasha makwara okururama, Kuti ʋafambe nenzira dzerima;

¹⁴Ʋanofarira kuita ɀakaipa, Ʋanofadzwa nokunyeŋgera kweɀakaipa.

¹⁵Ʋanenzira dzakaminama, Ʋanotsauka pamakwara aʋo;

¹⁶Kuti ɀikurwire kumukadzi wokumŋe, Kumukadzi mutorwa, unoɓata kumeso namashoko ake.

¹⁷Iye, unorasha shamŋari yoʋumhandara bgake, Acikaŋganwa suŋgano yaMŋari wake.

¹⁸Nokuti imba yake inonyura kurufu, Nenzira dzake kuʋakafa;

¹⁹Hakuna‐unopinda kwaari unozodzoka ɀe; Haʋaȿiki panzira dzoʋupenyu;

²⁰Kuti ufambe nenzira yaʋakanaka, Uceŋgete makwara aʋakarurama.

²¹Nokuti ʋakarurama ʋacagara panyika, Ʋakakwana ʋacarambira’po.

²²Asi ʋakaipa ʋacaparadzwa panyika; Ʋanoita nokunyeŋgedzera ʋacadzurwa’po.