Read Original Shona Union Bible 1949 Baiberi Magwaro Matȿene aMŋari Ɀireʋo 21 Bible Online

Ɀireʋo 21 - Original Shona Union Bible 1949 Baiberi Magwaro Matȿene aMŋari bible

Ɀireʋo 21

¹Mŋoyo wamambo uri muruʋoko rwaJehova sehoʋa dzemvura; Unoufambisa seɀaanoɗa.

²Nzira ipi neipi yomunhu unoti yakarurama pakuʋona kwake; Asi Jehova unoyera mŋoyo.

³Kuita ɀakarurama nokururamisira Ɀinofadza Jehova kupfuʋura ciɓayiro.

⁴Kutarira kwamanyawi nomŋoyo unoɀikudza, Ico ciedza caʋakaipa, ɀiʋi.

⁵Ndaŋgariro dzaʋashiŋgairi dzinoʋuyisa ɀizhinji; Asi aninani unokurumidzisa unoŋgoʋaŋgira kushaiwa.

⁶Kuʋuŋganidza fuma norurimi runoreʋa nhema Imhute inodziŋgwa kwose‐kwose naʋanotȿaka rufu.

⁷Kumanikidza kwaʋakaipa kunoʋaparadza, Nokuti ʋanoramba kuita ɀakarurama.

⁸Nzira yomunhu unemhoȿa yakaminama kwaɀo; Asi kana ari wakacena, kuita kwake kwakarurama.

⁹Ɀirinani kugara pakona reɗeŋga, Pakugara muimba imŋe nomukadzi unokakaʋara.

¹⁰Mŋeya wowakaipa unoɗa ɀakaipa; Wokwake haawani nyasha kwaari.

¹¹Kana muɗaɗi aciraŋgwa, usinamano ucaʋa noʋucenjeri; Kana wakacenjera acidzidziswa, unogamucira ziʋo.

¹²Wakarurama unocerekedza imba yowakaipa; Unowisira ʋakaipa mukuparadzwa.

¹³Unodziʋira nzeʋe yake, kuti arege kunzwa kucema kwomurombo, Iye ʋo ucacema, asi haaŋganzwiki.

¹⁴Cipo, cinopiwa pakaʋanda, cinonyaradza hasha, Necipiwa, ciri mucifuʋa, kutsamŋa kukuru.

¹⁵Kuita ɀakarurama ndiwo mufaro kunowakarurama; Asi ʋaiti ʋeɀakaipa ʋanoparadzwa nako.

¹⁶Munhu, unotsauka panzira yenjere, Ucandozorora muʋuŋgano yaʋakafa.

¹⁷Unofarira ɀinofadza, ucaʋa murombo; Unofarira waini namafuta haaŋgafumi.

¹⁸Wakaipa idzikinuro yowakarurama; Unoita nokunyeŋgedzera unopinda panɀimbo yowakarurama.

¹⁹Ɀirinani kugara murenje, Pakugara nomukadzi unokakaʋara nounonetsa.

²⁰Mumba mowakacenjera munefuma inokosha namafuta; Asi ɓenzi rinoɀipedza.

²¹Munhu, unotȿaka kururama noʋunyoro, Unowana ʋupenyu, nokururama, nokukudzwa.

²²Munhu wakacenjera unokwira muguta raʋanesimba, Aciwisira pasi nhare yaʋanoʋimba nayo.

²³Aninani unoceŋgeta muromo wake norurimi rwake, Unoceŋgeta mŋeya wake pamaɗambudziko.

²⁴Munhu, unoɀikudza unamanyawi, muɗaɗi ndiro zita rake; Unoita namanyawi okuɀikudza kwake.

²⁵Kuɗa kwounoʋusimbe kunomuʋuraya; Nokuti maʋoko ake anoramba kuɓata.

²⁶Zuʋa rose unoramba aciŋgoɗa; Asi wakarurama unopa asiŋgarambi.

²⁷Ciɓayiro cowakaipa cinonyaŋgadza; Ndoɗa kana aciʋuya naɀo kuyananisira ɀakaipa.

²⁸Capupu cenhema cicaparadzwa; Asi munhu unoterera, ucaramba acitaura.

²⁹Munhu wakaipa uneciso cisiŋganyari; Asi kana ari wakarurama unogadzira nzira dzake.

³⁰Hakunoʋucenjeri, kana njere, Hakunamano aŋgakunda Jehova.

³¹Biza rinogadzirirwa zuʋa rokurwa, Asi kukunda kunobva kunaJehova.