Read Original Shona Union Bible 1949 Baiberi Magwaro Matȿene aMŋari Ɀireʋo 22 Bible Online

Ɀireʋo 22 - Original Shona Union Bible 1949 Baiberi Magwaro Matȿene aMŋari bible

Ɀireʋo 22

¹Zita rakanaka rinofanira kusanaŋgurwa kupfuʋura fuma zhinji; Ʋuye kuɗikanwa kupfuʋura sirveri nendarama.

²Ʋafumi naʋarombo ʋanosoŋgana pamŋe cete; Jehova ndiye muiti waʋo ʋose.

³Munhu wakaŋgwara unoʋona ɀakaipa, ndokuʋanda; Asi ʋasinamano ʋanopfuʋura haʋo, ndokuwira munjodzi.

⁴Muɓairo wokuɀininipisa nokutya Jehova Ifuma nokukudzwa noʋupenyu.

⁵Minzwa nemisuŋgo ɀiri panzira yousakarurama; Asi unoceŋgeta mŋeya wake ucagara kure naɀo.

⁶Roʋedza mŋana nzira yaanofanira kufamba nayo, Ipapo kunyaŋge akwegura haaŋgatsauki pairi.

⁷Mufumi unoɓata ʋushe pamsoro pomurombo; Unotora cikwerete muranda wowakamupa cikwerete.

⁸Unodɀara ɀakaipa, ucaceka ɗambudziko; Shamhu yokutsamŋa kwake icanyaŋgarika.

⁹Unomŋoyo munyoro ucaropafadzwa; Nokuti unopa ʋarombo ɀokudya ɀake.

¹⁰Dziŋga muɗaɗi, kukakaʋara kugoenda ʋo; Nenharo nokunyadzwa ɀicaguma.

¹¹Unoɗa kucena kwomŋoyo, Nounemiromo inofadza, mambo ucaʋa shamŋari yake.

¹²Meso aJehova anoceŋgeta uneziʋo; Asi ucakonesa mashoko omunhu unonyeŋgedzera.

¹³Simbe inoti: Kuneshumba kunze, Ndiŋgaʋurawa pakati penzira dzomumusha.

¹⁴Muromo waʋakadzi ʋokumŋe igomba rakadzika; Unotsamŋirwa naJehova ucawira’mo.

¹⁵Ʋupenzi ʋunonamatira mumŋoyo womŋana; Asi shamhu yokurairira icaʋudziŋgira kure naye.

¹⁶Unomanikidza murombo, unomufumisa; Unopa mufumi ɀipo, unoŋgomushaisa.

¹⁷Rerekera nzeʋe yako, unzwe mashoko owakaceŋjera, Mŋoyo wako uraŋgarire ziʋo yaŋgu.

¹⁸Nokuti cinhu cakanaka, kana ucigara naɀo mukati mako, Ŋgaɀigare pamŋe cete pamiromo yako.

¹⁹Ndakakuziʋisa, iyewe, iɀoɀo nhasi, Kuti uʋimbe naJehova.

²⁰Handina‐kukunyorera mashoko akaiȿo‐naka here, Okurairira neziʋo here?

²¹Kuti uziʋiswe kwaɀo mashoko eɀokwaɗi, Kuti udzosere mashoko eɀokwaɗi kunaʋanokutuma here?

²²Usatorera murombo, nokuti murombo; Usamanikidza unotambudzika pasuʋo;

²³Nokuti Jehova ucaʋarwira pamhaka dzaʋo, Nokutadzira ʋupenyu bgaʋanoʋatadzira.

²⁴Usashamŋaridzana nomumhu unotsamŋa; Usafambidzana nomunhu unehasha;

²⁵Kuti urege kudzidza tsika dzake, Uteyire mŋeya wako musuŋgo.

²⁶Usaʋa mumŋe waʋanoɀisuŋga noruʋoko, Kana ʋakaɀiita ruɓatso nokuɗa kwecikwerete.

²⁷Kana usina‐cauŋgaripa naco, Ucagokutorereiko nhoʋo dzako pasi pako?

²⁸Usabvisa muganho wekare, Wakaiswa’po namadziɓaɓa ako.

²⁹Unoʋona munhu unoshiŋgaira paɓasa rake here? Ucamira pamberi pamadzimambo; Haaŋgamiri pamberi paʋanhu ʋasiŋgazikanwi.