Read Original Shona Union Bible 1949 Baiberi Magwaro Matȿene aMŋari Ɀireʋo 27 Bible Online

Ɀireʋo 27 - Original Shona Union Bible 1949 Baiberi Magwaro Matȿene aMŋari bible

Ɀireʋo 27

¹Usaɀirumbidza pamsoro pezuʋa ramaŋgwana; Nokuti hauziʋi cauŋgaʋigirwa nezuʋa rimŋe.

²Mumŋe ŋgaakurumbidze, urege kuʋa muromo wako; Ŋgaaʋe mŋeni, irege kuʋa miromo yako.

³Ibge rinorema, ʋuye jeca rinorema; Asi kutsamŋa kweɓenzi kunokurira ɀose nokurema.

⁴Hasha dzinokuʋadza, ʋuye kutsamŋa kunokukura; Asi ndiani uŋgamira pamberi pegoɗo.

⁵Kurairwa pacena kunopfuʋura Ruɗo rwakaʋanzwa.

⁶Maʋaŋga anotemŋa neshamŋari aŋgatendwa, Asi kuȿeta kwomuʋeŋgi kwakawanda.

⁷Mŋeya wakaguta unotsika pasi muȿi woʋuci; Asi mŋeya unenzara unoti ɀose ɀinozipa kunyaŋge ɀiciʋaʋa.

⁸Seshiri inobururuka icienda kure neɗendere rayo, Ndiɀo ɀakaita munhu unofamba‐famba kure napaanogara.

⁹Mafuta neɀinonhuwira ɀinofadza mŋoyo; Ndiɀo ɀinoita ʋo kunaka kwoʋushamŋari bgomunhu kunobva pakuyanana kwemŋeya.

¹⁰Usasiya shamŋari yako neshamŋari yaɓaɓa ʋako; Usaenda kumba kwomunuŋuna wako nezuʋa renhamo yako; Wokwako, uri pedyo, unopfuʋura munuŋuna uri kure.

¹¹Mŋanakomana waŋgu, iʋa wakacenjera, ufadze mŋoyo waŋgu; Kuti ndigone kupindura unondishoʋora.

¹²Munhu wakaŋgwara unoʋona ɀakaipa, ndokuʋanda; Asi ʋasinamano ʋanopfuʋura haʋo, ndokuwira munjodzi.

¹³Munhu unoɀiita ruɓatso kumutorwa, umutorere ŋguʋo yake; Umuite ruɓatso iye wakaɀiita ruɓatso kumukadzi wokumŋe.

¹⁴Unoropafadza shamŋari yake nenzwi guru, acifumira maŋgwanani, Ucanzi wakatukwa pamsoro paɀo.

¹⁵Kuɗonha kusiŋgaperi pazuʋa remvura zhinji Nomukadzi unokakaʋara, ɀakafanana.

¹⁶Unoɗa kumudziʋisa, unodziʋisa mhepo; Ruʋoko rwake rworudyi rwakaɓata mafuta.

¹⁷Simbi inorodza simbi; Saiɀoɀo munhu unorodza ciso ceshamŋari yake.

¹⁸Aninani unoceŋgeta muʋonde, ucadya ɀiɓereko ɀawo; Unoceŋgeta tenzi wake, ucakudzwa.

¹⁹Ciso seɀacinotarisana neciso mumvura, Saiɀoɀo mŋoyo womunhu unotarisana nomunhu.

²⁰Sheori neAbadoni haɀitoŋgoguti; Nameso omunhu haaguti.

²¹Hari yokunyausa ndeyesirveri, neʋira nderendarama; Saiɀoɀo munhu unozikanwa neɀaanofarira.

²²Kunyaŋge ukatswa ɓenzi muɗuri nomutsi pakati peɀiyo ɀinotswiwa, Ʋupenzi bgaro haʋuŋgabvi kwariri.

²³Shiŋgaira uziʋe kuti makwai ako akaɗini; Uceŋgete ɀakanaka mapoka ako.

²⁴Nokuti fuma haigari nokusiŋgaperi; Ko korona inogara kuȿikira kumarudzi ose here?

²⁵Ʋuswa ʋunoenda, ɓumhudza ndokuɓuɗa, Nemiriʋo yamakomo inoʋuŋganidzwa.

²⁶Makwaiana anokuʋigira ɀokufuka ɀako, Ʋuye mbudzi ndiwo muteŋgo weminda.

²⁷Mukaka wembudzi ucariŋgana ɀokudya ɀako, neɀokudya ɀeimba yako, Nokuraramisa ʋasikana ʋako.