Read Original Shona Union Bible 1949 Baiberi Magwaro Matȿene aMŋari Ɀireʋo 28 Bible Online

Ɀireʋo 28 - Original Shona Union Bible 1949 Baiberi Magwaro Matȿene aMŋari bible

Ɀireʋo 28

¹Wakaipa unotiza kusinaunodziŋgana naye; Asi ʋakarurama ʋanotsuŋga mŋoyo seshumba.

²Nemhaka yokuɗarika kwenyika, macinda ayo anowanda; Asi nomumŋe, unenjere neziʋo, icaramba iri’po.

³Munhu unoshaiwa amene, unomanikidza ʋarombo, Wakafanana nemvura inokukura, isiŋgasiyi ɀokudya.

⁴Ʋanosiya murairo, ʋanorumbidza ʋakaipa; Asi ʋanoceŋgeta murairo, ʋanoita nharo naʋo.

⁵Ʋanhu ʋakashata haʋanzwisisi ɀakarurama; Asi ʋanotȿaka Jehova ʋanonzwisisa ɀose.

⁶Murombo, unofamba muɀokwaɗi yake, Unopfuʋura usakarurama unofamba nenzira mbiri, kunyaŋge akafuma.

⁷Unoceŋgeta murairo, mŋanakomana wakacenjera; Asi unofambidzana naʋanhu ʋanamadyo, unonyadzisa ɓaɓa ʋake.

⁸Unowedzera fuma yake nemhindu kana nokuwedzera kusakarurama, Unoʋuŋganidzira mumŋe, ucaʋa netsitsi naʋarombo.

⁹Unoramba kunzwa murairo nenzeʋe yake, Kunyaŋge nomunyeŋgetero wake unonyaŋgadza.

¹⁰Aninani unorashisa ʋakarurama ʋafambe nenzira yakaipa, Ucawira amene mugomba rake; Asi ʋakarurama ʋacagara nhaka yeɀakanaka.

¹¹Mufumi unoti ndakacenjera; Asi murombo, unenjere, unomuferefeta.

¹²Kana ʋakarurama ʋacikunda, mufaro mukuru uri’ko; Asi kana ʋakaipa ʋosimba, ʋanhu ʋoʋanda.

¹³Unofukidza kuɗarika kwake, haaŋgaʋi nomufaro; Asi unoɀireʋurura, aciɀirasha, ucawana nyasha.

¹⁴Munhu unogara acitya, unomufaro; Asi unowomesa mŋoyo wake, ucawira munjodzi.

¹⁵Seshumba inoʋomba, neɓere rinopota‐pota, Ndiɀo ɀakaita muɓati wakaipa unoɓata ʋanhu ʋarombo.

¹⁶Mucinda, unoshaiwa njere, unomanikidza ʋanhu ʋo ɀikuru; Asi unoʋeŋga kuciʋa, ucawedzera mazuʋa ake.

¹⁷Munhu, unoremedzwa neropa romumŋe munhu, Ucatizira kugomba; ŋgaarege kudziʋiswa nomunhu.

¹⁸Aninani unofamba ɀakarurama, ucarwirwa; Asi unofamba nenzira dzisakarurama, ucawa pakarepo.

¹⁹Unorima munda wake, ucaʋa neɀokudya ɀizhinji; Asi unoʋaŋgira ɀisinamaturo, ucaʋa noʋurombo kwaɀo.

²⁰Munhu wakatendeka ucaʋa namaropafadzo mazhinji; Asi unoɗa kufuma nokukurumidza, haaŋgakoni kurobga.

²¹Kutsaura ʋanhu hakuna‐kunaka; Nokuti munhu uŋgaɗarika nokuɗa kwecimeɗu ceciŋgwa.

²²Munhu unoruciʋa, unoʋaŋgira fuma, Asiŋgaziʋi kuti ucawirwa nokushaiwa.

²³Unorairira munhu ucazowana nyasha pashure, Kupfuʋura iye unoɓata kumeso norurimi rwake.

²⁴Unoɓira ɓaɓa ʋake kana mai ʋake, aciti: Hakuzi kuɗarika, Uyu ishamŋari younoparadza.

²⁵Unomŋeya wokuciʋa unomutsa kukakaʋara; Asi unoʋimba naJehova, ucasimbiswa.

²⁶Unotenda mŋoyo wake, iɓenzi; Asi unofamba noʋucenjeri, ucarwirwa.

²⁷Unopa ʋarombo, haaŋgazoshaiwi; Asi unotsinzina meso ake, ucatukwa kazhinji.

²⁸Kana ʋakaipa ʋosimba, ʋanhu ʋoʋanda; Asi kana ʋoparara, ʋakarurama ʋowanda.