Read Original Shona Union Bible 1949 Baiberi Magwaro Matȿene aMŋari Ɀireʋo 30 Bible Online

Ɀireʋo 30 - Original Shona Union Bible 1949 Baiberi Magwaro Matȿene aMŋari bible

Ɀireʋo 30

¹Mashoko aAguri, mŋanakomana waJake; cireʋo cake. Murume unoti kunaItieri, kunaItieri naUkari:

²Ɀirokwaɀo, ndiri ɓenzi kupfuʋura ʋanhu ʋose; Handinenjere dzomunhu.

³Handina‐kudzidza ʋucenjeri, Ʋuye handineziʋo yoMutȿene.

⁴Ndiani wakakwira kuɗeŋga, akaɓuruka ɀe? Ndiani wakaʋuŋganidza mhepo mucanza cake? Ndiani wakasuŋgira mvura muŋguʋo yake? Ndiani wakasimbisa migumo yose yenyika? Zita rake ndiani, nezita romŋanakomana wake, kana uciriziʋa?

⁵Shoko rimŋe nerimŋe raMŋari rakanatswa; Ndiye nhoʋo yaʋose ʋanoʋanda maari.

⁶Usawedzera pamashoko ake, Kuti arege kukupa mhoȿa, uwanikwe unenhema.

⁷Ɀinhu ɀiʋiri ndakakumbira kwamuri; Musandiramba iɀo, ndisati ndafa.

⁸Bvisai kure neni ɀisina‐kutendeka nenhema; Regai kundipa ʋurombo kana fuma; Mundigutse neɀokudya ɀakandifanira;

⁹Ndirege kuti kana ndaguta, ndikurambei, ndiciti: Jehova ndianiko? Kana ɀimŋe ndiʋe murombo, ndiɓe, Ndimhure zita raMŋari waŋgu.

¹⁰Rega kuʋudzisira muranda kunatenzi ʋake, Arege kukutuka, ukanzi unemhoȿa.

¹¹Rudzi ruri’ko runotuka ɓaɓa ʋarwo, Rusiŋgaropafadzi mai ʋarwo.

¹²Rudzi ruri’ko runoti pakuʋona kweɗu takacena kwaɀo, Asi rusina‐kunatswa patȿina yarwo.

¹³Rudzi ruri’ko, meso arwo anamanyawi sei! Mafuŋgiro ameso aʋo akakwidzwa.

¹⁴Rudzi ruri’ko, meno arwo akafanana neminondo, nameno eshaya dzarwo samapaŋga, Kuti rupedze ʋarombo panyika, naʋanoshaiwa pakati paʋanhu.

¹⁵Cikweʋa‐ropa cinaʋakunda ʋaʋiri, ʋanoti: Ndipe! Ndipe! Ɀinhu ɀitatu ɀiri’ko ɀisiŋgatoŋgoguti, Ɀinna ɀisiŋgatoŋgoti: Ɀariŋgana!

¹⁶Sheori; neciɀaro cisiŋgaɓereki; Pasi pasiŋgaguti mvura; Nomŋoto, usiŋgati: Ɀariŋgana!

¹⁷Ziso rinoseka ɓaɓa, Rinoshoʋora kuterera mai, Makuŋguʋu omupata acarinoŋgora, Ʋana ʋegondo ʋacaridya.

¹⁸Ɀinhu ɀitatu ɀiri’ko ɀinondishamisa, Ɀirokwaɀo ɀinna, ɀandisiŋgaziʋi, ɀinoti:

¹⁹Kufamba kwegondo muɗeŋga; Kufamba kwenyoka paruware; Kufamba kwecikepe pakati peguŋgwa; Nokufamba kwomurume nomusikana.

²⁰Ndiɀo ɀakaita kufamba kwomukadzi woʋupombge; Unodya, ndokupisika muromo wake, Aciti: Handina‐kuita cinhu cakaipa.

²¹Nyika inoɗeɗera nokuɗa kweɀinhu ɀitatu; Ʋuye nokuɗa kweɀinna ɀaisiŋgaɗi kuʋona:

²²Nokuɗa kwomuranda kana acizoʋa mambo; Nokuɗa kweɓenzi, kana raguta ɀokudya;

²³Nokuɗa kwomukadzi warambga, kana azowanikwa; Ʋuye mushandiri, kana azoʋa mugari wenhaka yatenzi wake.

²⁴Ɀinhu ɀinna ɀiri’ko panyika ɀiɗuku haɀo, Asi ɀakacenjera kwaɀo, ɀinoti:

²⁵Mujuru, rudzi rusinesimba harwo; Kunyaŋge ɀakaɗaro unoʋuŋganidza ɀokudya ɀawo muzhezha;

²⁶Mbira, rudzi rusinesimba harwo, Kunyaŋge ɀakaɗaro dzinoita imba yadzo mumatombo;

²⁷Mhashu hadzinamambo, Kunyaŋge ɀakaɗaro dzinofamba ɀakanaka dziciita mapoka;

²⁸Cipfira uŋgaciɓata namaʋoko ako, Kunyaŋge ɀakaɗaro ciri mudzimba dzamadzimambo.

²⁹Ɀinhu ɀitatu ɀiri’ko ɀinokufamba kunokudzwa, Ɀirokwaɀo ɀinna ɀinokufamba kunokudzwa, ɀinoti:

³⁰Shumba, mhare pakati pemhuka dzose, Isiŋgatizi mhuka ipi neipi;

³¹Nemhuka ineɀiʋuno ɀakasimba, nenhoŋgo yembudzi; Namambo kana anaʋarwi ʋake.

³²Kana uciŋge waita noʋupenzi, waɀikudza, Kana ɀimŋe waraŋgarira ɀakashata, Fumbira muromo wako.

³³Nokuti mukaka waroɀwa unoɓuɗisa mafuta, Nemhino dzadɀinyiwa dzinoɓuɗisa ropa, Saiɀoɀo hasha dzaʋambga dzinoɓuɗisa kukakaʋara.