Read Original Shona Union Bible 1949 Baiberi Magwaro Matȿene aMŋari Ɀireʋo 31 Bible Online

Ɀireʋo 31 - Original Shona Union Bible 1949 Baiberi Magwaro Matȿene aMŋari bible

Ɀireʋo 31

¹Mashoko amambo Remueri; ɀireʋo ɀaakadzidziswa namai ʋake.

²Nhai, mŋanakomana waŋgu! Nhai, mŋanakomana weɗumbu raŋgu! Nhai, mŋanakomana wemhiko dzaŋgu!

³Rega kupa ʋakadzi simba rako, Nenzira dzako kuneɀinoparadza madzimambo.

⁴Iwe Remueri, haɀifaniri madzimambo, haɀifaniri madzimambo kunwa waini; Namacinda kuti: Ƌoro riripiko?

⁵Ʋarege kunwa, ʋacizokaŋganwa murairo, Ʋarege kukaŋganisa kururamisira ʋamŋe ʋanotambudzika.

⁶Ipai woɗo‐kuparara ɗoro, Nounomŋoyo unorwadza waini;

⁷Ŋgaanwe, akaŋganwe ʋurombo bgake, Arege kucaraŋgarira kutambudzika kwake.

⁸Shamisira mbeʋeʋe muromo wako, Urwire mhaka dzaʋose ʋakaɗai ʋakasiyiwa.

⁹Shamisa muromo wako, utoŋge ɀakarurama, Ururamisire murombo nounoshaiwa.

¹⁰Ndianiko uŋgawana mukadzi unoita ɀakanaka? Nokuti muteŋgo wake unokunda kwaɀo muteŋgo wamaparera.

¹¹Mŋoyo womurume wake unomutenda, Naiye haaŋgashaiwi fuma.

¹²Unoitira murume wake ɀakanaka, haamuitiri ɀakaipa Mazuʋa ose oʋupenyu bgake.

¹³Unotȿaka mvere norucinda, Aciɓata namaʋoko ake nomufaro.

¹⁴Wakafanana neɀikepe ɀaʋateŋgesi; Unondotora ɀokudya ɀake kure.

¹⁵Unomuka ʋuciri ʋusiku, Nokupa mhuri yake ɀokudya, Naʋashandiri ʋake ɓasa raʋo.

¹⁶Unoraŋgarira munda, ndokuuteŋga; Unosima munda wemizambiriŋga neɀaakawana namaʋoko ake.

¹⁷Unoɀisuŋga ciʋuno nesimba, Nokusimbisa maʋoko ake.

¹⁸Unoʋona kuti kushambadzira kwake kwaɓatsira; Mŋenje wake haudzimi ʋusiku.

¹⁹Unotambanudzira ruʋoko rwake kunecokurukisa; Maʋoko ake anoɓata cinorukwa.

²⁰Unotambanudzira murombo ruʋoko rwake; Unotandaʋadzira unoshaiwa maʋoko ake.

²¹Haatyi cando pamsoro peimba yake, Nokuti mhuri yake yose yakafuka ŋguʋo tȿuku.

²²Unoɀiitira mitsamiro inoʋukomba; Ŋguʋo yake muceka wakaiȿo‐naka nomutȿuku.

²³Murume wake unozikanwa pamasuʋo eguta, Kana agere pakati paʋakuru ʋenyika.

²⁴Unoita ɀokufuka ɀomuceka aciɀiteŋgesa, Unoʋigira ʋateŋgesi ɀisuŋgo ɀeɀiʋuno.

²⁵Simba nokukudzwa ndiɀo ɀokufuka ɀake; Unoseka kana acifuŋga ŋguʋa inoʋuya.

²⁶Unoshamisa muromo wake noʋucenjeri; Rurimi rwake runodzidzisa noʋunyoro.

²⁷Unotarira ɀakanaka kufamba kwemhuri yake, Asiŋgadyi ɀokudya ɀoʋusimbe.

²⁸Ʋana ʋake ʋanomuka, ʋacimuti: Ʋakaropafadzwa; Nomurume wake ʋo unomurumbidza, aciti:

²⁹Ʋakunda ʋazhinji ʋakaita ɀakanaka, Asi iwe unoʋakunda ʋose.

³⁰Ɀinofadza ɀinonyeŋgedzera, ʋunaki haʋunamaturo; Asi mukadzi unotya Jehova, ndiye unofanira kurumbidzwa.

³¹Cimupai ɀakafanira ɀaakaɓata namaʋoko ake; Maɓasa ake ŋgaamurumbidze pamasuʋo eguta.