Read Original Shona Union Bible 1949 Baiberi Magwaro Matȿene aMŋari Ɀireʋo 5 Bible Online

Ɀireʋo 5 - Original Shona Union Bible 1949 Baiberi Magwaro Matȿene aMŋari bible

Ɀireʋo 5

¹Mŋanakomana waŋgu, terera ʋucenjeri bgaŋgu; Rerekera nzeʋe yako inzwe njere dzaŋgu;

²Kuti ugare wakaɓata kuŋgwara, Nemiromo yako iceŋgete ziʋo.

³Nokuti miromo yomukadzi wokumŋe inoɗonha ʋuci; Muromo wake unotedza kupfuʋura mafuta;

⁴Asi pakupedzisira unoʋaʋa segaʋakaʋa; Unopinza somunondo unenhiʋi mbiri dzinoceka.

⁵Tsoka dzake dzinoɓurukira kurufu; Nhambge dzake dzinoʋaʋarira kubgiro;

⁶Gwara roʋupenyu, rakati cecetere, haariwani; Nzira dzake dzinotsauka, iye asiŋgaɀiziʋi.

⁷Saka imi, ʋanakomana ʋaŋgu, nditererei; Regai kutsauka pamashoko omuromo waŋgu.

⁸Nzira yako ŋgaiʋe kure naye, Usasweɗera pamukoʋa weimba yake.

⁹Kuti urege kupa ʋamŋe kunaka kwoʋujaya bgako, Namakore ako kunounomŋoyo mukukutu;

¹⁰Kuti ʋatorwa ʋarege kugutswa nefuma yako, Neɀiɓereko ɀokutambura kwako ɀiende kumba kwomŋeni.

¹¹Iwe ugocema pakupedzisira kwako, Kana nyama yako nomuʋiri wako ɀaparadzwa,

¹²Uciti: Ndakaʋeŋgereiko kurairirwa, Mŋoyo waŋgu wakashoʋorerei kurairwa?

¹³Ndakaregereiko kuterera inzwi raʋadzidzisi ʋaŋgu, Nokusarerekera nzeʋe yaŋgu kunaʋaindiraira?

¹⁴Ndakaŋga ndapinda paneɀakaipa ɀose, Pakati peciʋuŋga neʋuŋgano.

¹⁵Inwa mvura padziʋa rako cairo, Nemvura inoyerera patsime rako cairo.

¹⁶Ko matsime ako anofanira kuparadzirwa here, Nzizi dzemvura dziyerere munzira dzomumusha here?

¹⁷Ŋgaɀiʋe ɀako ɀoga, Ɀisaʋa ɀaʋatorwa pamŋe cete newe.

¹⁸Tsime rako ŋgariropafadzwe; Ufarire mukadzi woʋujaya bgako.

¹⁹Sehadzi yenondo yakanaka, nehadzi yeŋgururu inofadza; Mazamu ake ŋgaakufadze ŋguʋa dzose; Ugare ucigutiswa noruɗo rwake.

²⁰Nokuti iwe, mŋanakomana waŋgu, ucagutsirweiko nomukadzi wokumŋe, Ucambundikireiko cifuʋa comŋeni?

²¹Nokuti nzira dzomunhu dziri pamberi paJehova; Ndiye unoyera makwara ake ose.

²²Ɀiʋi ɀake ɀicaɓata muiti waɀo, Ucaɓatwa namaɓote eɀiʋi ɀake.

²³Ucafa nokushaiwa kurairirwa; Ucatsauka noʋukuru bgoʋupenzi bgake.