Read Original Shona Union Bible 1949 Baiberi Magwaro Matȿene aMŋari Ɀireʋo 6 Bible Online

Ɀireʋo 6 - Original Shona Union Bible 1949 Baiberi Magwaro Matȿene aMŋari bible

Ɀireʋo 6

¹Mŋanakomana waŋgu, kana uciŋge wakaɀiitira wokwako ruɓatso, Waɀisuŋga nokuɗa kwomutorwa noruʋoko rwako,

²Waɀiteya namashoko omuromo wako, Waɓatwa namashoko omuromo wako,

³Ɀino ita kuɗai, mŋanakomana waŋgu, uɀirwire, Ɀawaɓatwa noruʋoko rwowokwako: Enda, undoɀininipisa, ukumbire ɀikuru kunowokwako.

⁴Usatendera meso ako hope, Kana mafuŋgiro ameso ako kutsimŋaira;

⁵Uɀirwire semhara paruʋoko rwomuvimi, Seshiri paruʋoko rwomuteyi.

⁶Enda kumujuru, iwe simbe; Cerekedza nzira dzawo, ugoʋa wakacenjera!

⁷Kunyaŋge iwo usinomutoŋgi, Kana mutariri kana muɓati,

⁸Unogadzira ɀokudya ɀawo muzhezha, Nokuʋuŋganidza ɀokudya ɀawo mukukohwa.

⁹Iwe simbe, ucaʋata pasi kuȿikira riniko? Ucamuka riniko pahope dzako?

¹⁰Kumboʋata ɀishomanene, kumbotsimŋaira ɀishomanene, Kumbofuŋgatira maʋoko ɀishomanene, ndizorore;

¹¹Saiɀoɀo ʋurombo bgako ʋucaȿika segororo, Nokushaiwa kwako somunhu wakashoŋga nhumbi dzokurwa.

¹²Munhu usinamaturo, munhu unoita ɀakaipa, Ndiye unofamba nomuromo unenhema;

¹³Unobgaira nameso ake, unotendekera netsoka dzake, Unoɗudzira neminwe yake;

¹⁴Uneɀisakarurama pamŋoyo pake, Unosifuŋgira ʋamŋe ɀakaipa, Unokusha kupesana.

¹⁵Saka njodzi yake icamuwira kamŋe‐kamŋe; Ucavuniwa pakarepo, kusina‐ciŋgamuɓatsira.

¹⁶Ɀinhu ɀitanhatu ɀiri’ko ɀinoʋeŋgwa naJehova; Ɀirokwaɀo, tiŋgati kuneɀinomŋe, ɀinomunyaŋgadza, ɀinoti:

¹⁷Meso ounoɀikudza, rurimi runoreʋa nhema, Maʋoko anoɗurura ropa risinemhaka;

¹⁸Mŋoyo unofuŋga mano akaipa, Tsoka dzinokurumidza kuʋaŋgira ɀakashata;

¹⁹Capupu cinonyeŋgera cinoreʋa nhema, Ʋuye unokusha kupesana pakati pehama.

²⁰Mŋanakomana waŋgu, ceŋgeta murairo waɓaɓa ʋako; Usarasha kudzidzisa kwamai ʋako.

²¹Uɀisuŋgire ŋguʋa dzose pamŋoyo wako; Uɀishoŋge pamutsipa wako.

²²Kana ucifamba, ɀicakutuŋgamirira; Kana uciʋata pasi, ɀicakurinda; Kana womuka, ɀicataurirana newe.

²³Nokuti murairo ndiwo mŋenje; murau ndico ciedza; Kuraira kwokurairirwa inzira yoʋupenyu;

²⁴Kuti uceŋgetwe pamukadzi wakaipa, Pakuɓata kumeso kworurimi rwomutorwa.

²⁵Usaciʋa kunaka kwake mumŋoyo mako; Arege kukuɓata namafuŋgiro ameso ake.

²⁶Nokuti nokuɗa kwecifeʋe munhu uŋgaȿikira pakudya cimeɗu ɓedzi ceciŋgwa; Mukadzi womumŋe munhu unovima ʋupenyu ʋunokosha.

²⁷Ko munhu uŋgaisa mŋoto mucifuʋa cake, Ŋguʋo dzake dzikasatȿa here?

²⁸Kana munhu uŋgatsika mazimbe anopisa, Tsoka dzake dzikasapiswa here?

²⁹Ndiɀo ɀakaita munhu unopinda kumukadzi wowokwake; Aninani unomunyaŋgata iye mukadzi haaŋgaregwi kurobga.

³⁰Ʋanhu haʋaŋgaɀidzi muɓi kana aciɓa Kuti agute kana aciŋge anenzara.

³¹Asi kana akaɓatwa unofanira kudzosera ɀaʋa ɀinomŋe; Unofanira kuripa nefuma yose yeimba yake.

³²Unoita ʋupombge nomukadzi, unoshaiwa njere; Unoɗa kuparadza ʋupenyu bgake ndiye unoita iɀoɀo.

³³Ucaŋgoɀiwanira maʋaŋga nokusakudzwa; Kunyadziswa kwake hakuŋgatoŋgopisikwi.

³⁴Nokuti goɗo rinomutsa hasha dzomurume; Haaŋganzwiri tsitsi pazuʋa rokutsiʋa.

³⁵Haaŋgaʋi nehanya nomuripo; Haaŋgatendi, kunyaŋge ukamuʋigira ɀipo ɀizhinji.