Read Original Shona Union Bible 1949 Baiberi Magwaro Matȿene aMŋari Ɀireʋo 8 Bible Online

Ɀireʋo 8 - Original Shona Union Bible 1949 Baiberi Magwaro Matȿene aMŋari bible

Ɀireʋo 8

¹Ko ʋucenjeri haʋuɗanidziri here? Nenjere hadziɓuɗisi manzwi adzo here?

²Pamsoro pemitunhu panzira, Pamharadzano dzenzira, ndi’po paʋumire;

³Parutiʋi rwamasuʋo, panopindwa paguta, Paʋanopinda pamikoʋa, ndi’po paʋunoɗanidzira; ʋuciti:

⁴Ndinoɗanidzira kwamuri, imi ʋarume, Inzwi raŋgu rinoɗana ʋanakomana ʋaʋanhu.

⁵Nzwisisai ʋucenjeri, imi ʋasinamano; Imi mapenzi, iʋai nomŋoyo unenjere.

⁶Inzwai, nokuti ndicataura ɀinhu ɀakaiȿo‐naka; Nokuti miromo yaŋgu icashamira ɀinhu ɀakarurama.

⁷Nokuti muromo waŋgu unoɓuɗisa ɀokwaɗi; Cinhu cakaipa cinonyaŋgadza pamiromo yaŋgu.

⁸Mashoko ose omuromo waŋgu akarurama; Hakunecinhu cakakombama kana cisakarurama maari;

⁹Ɀose ɀiri pacena kunounenjere; Ɀakarurama kunaiʋo ʋakawana ziʋo.

¹⁰Gamucirai kuraira kwaŋgu, murege kugamucira sirveri; Neziʋo, kupfuʋura ndarama yakasarurwa.

¹¹Nokuti ʋucenjeri bgakanaka kupfuʋura korari; Ɀose ɀinoɗikanwa haɀiŋgaenzaniswi nabgo.

¹²Ini ʋucenjeri ndakaita kuŋgwara imba yaŋgu, Ndinowana ziʋo namano akarurama.

¹³Kutya Jehova ndiko kuʋeŋga ɀakaipa; Kuɀikudza namanyawi nenzira yakaipa, Nomuromo unonyeŋgedzera, ndinoɀiʋeŋga.

¹⁴Ndinezano rakanaka nokuɓata kwakakwana; Ndini kucenjera; ndinesimba.

¹⁵Madzimambo anoɓata ʋushe neni, Ʋaɓati ʋanotoŋga ʋanhu neni.

¹⁶Madzishe anofambisa ʋushe neni, Naʋakuru, iʋo ʋatoŋgi ʋose ʋapasi.

¹⁷Ndinoɗa ʋanondiɗa; Ʋanonditȿaka nomŋoyo wose ʋacandiwana.

¹⁸Fuma nokukudzwa ɀineni, Ɀinokosha ɀakaiȿo‐naka nokururama.

¹⁹Ɀiɓereko ɀaŋgu ɀakanaka kupfuʋura ndarama, kunyaŋge ndarama yakaiȿo‐naka; Ɀandinowana ɀinopfuʋura sirveri yakasarurwa.

²⁰Ndinofamba nenzira yokururama, Mukati mamakwara okururamisa;

²¹Kuti ndigarise nhaka ʋanondiɗa, Ndizadze ɀiʋigiro ɀefuma yaʋo.

²²Jehova wakandiʋumba pakuʋamba kwenzira yake, Kutaŋgira maɓasa ake akare.

²³Ini ndakamiswa kubva pakusiŋgaperi, kubva pakutaŋga, Pasi pasati pasikwa.

²⁴Makuŋgwa asati aʋa’po, ini ndakaɓerekwa; Pasinamatsime anemvura zhinji.

²⁵Makomo asati anyudzwa, Ɀikomo ɀisi’po, ini ndakaɓerekwa;

²⁶Iye asati aʋumba pasi namapani, Kana guruʋa rokutaŋga renyika.

²⁷Paŋguʋa yaakagadzira kuɗeŋga‐ɗeŋga, ndakaŋga ndiri’po; Pakuisa kwake ɗenderedzwa pamsoro pamakuŋgwa;

²⁸Paŋguʋa yaakasimbisa ɗeŋga rose kumsoro, Pakusimba kwamatsime amakuŋgwa;

²⁹Paŋguʋa yaakaitira guŋgwa miganho yaro, Kuti mvura irege kuɗarika murairo wake, Pakutara kwake nheyo dzapasi;

³⁰Neŋguʋa iyo ndaiʋa naye, ndiri mhizha; Ndai mufadza zuʋa rimŋene rimŋe, Ndicitamba pamberi pake ŋguʋa dzose,

³¹Ndicitamba panyika yake, Ndicifadzwa naʋanakomana ʋaʋanhu.

³²Saka ɀino ʋanakomana ʋaŋgu, nditererei; Nokuti ʋanoceŋgeta nzira dzaŋgu ʋakaropafadzwa.

³³Inzwai kurairira muʋe ʋakacenjera, Regai kukuramba.

³⁴Munhu, unondinzwa, wakaropafadzwa, Unorinda zuʋa rimŋe nerimŋe pamasuʋo aŋgu, Unomira paɀiʋiʋo ɀemikoʋa yaŋgu.

³⁵Nokuti wandiwana, wawana ʋupenyu, Ucapiwa nyasha naJehova.

³⁶Asi unondishaiwa, unotadzira mŋeya wake; Ʋose ʋanondiʋeŋga, ʋanoɗa rufu.