Read Original Shona Union Bible 1949 Baiberi Magwaro Matȿene aMŋari Muparidzi 1 Bible Online

Muparidzi 1 - Original Shona Union Bible 1949 Baiberi Magwaro Matȿene aMŋari bible

Muparidzi 1

¹Mashoko oMuparidzi, mŋanakomana waDavidi, mambo paJerusarema:

²Ɀanzi noMuparidzi: Haɀinamaturo cose, haɀinamaturo cose, ɀose haɀinamaturo cose!

³Munhu uŋgaɓatsirweiko nokutambudzika kwake kwose, kwaanotambudzika nako pasi pezuʋa?

⁴Rudzi rumŋe runoenda, rumŋe rudzi runoʋuya; asi pasi panoŋgogara’po nokusiŋgaperi.

⁵Zuʋa rinoɓuɗa ʋo, zuʋa rinoʋira, ricikurumidzira kwarinozoɓuɗa ɀe.

⁶Mhepo inoenda zasi, yodzoka yoenda kumsoro; inoramba icidzoka pakufamba kwayo; mhepo inodzokera ɀe pakupotereka kwayo.

⁷Nzizi dzose dzinoɗira muguŋgwa, kunyaŋge ɀakaɗaro guŋgwa harizari; kunɀimbo kunoenda nzizi, ndiko kwadzinodzokera ɀe.

⁸Ɀinhu ɀose ɀizere nokuneta; hakunomunhu uŋgaɀitaura; ziso hariguti nokuʋona, nzeʋe haizari nokunzwa.

⁹Cakaŋga ciri’po, ndico cicazoʋa’po; cakamboitwa, ndico cicazoitwa; hapanecinhu citȿa pasi pezuʋa.

¹⁰Cinhu ciri’ko here, catiŋgati: Tarirai, cinhu ici citȿa? Cakaŋga ciciŋgoʋa’po kare, paŋguʋa dzakatitaŋgira.

¹¹Marudzi akapfuʋura haacaraŋgarirwi; namarudzi acazoteʋera, haaŋgatoŋgoraŋgarirwi naʋanozoʋateʋera.

¹²Ini Muparidzi, ndakaŋga ndiri mambo waIsraeri paJerusarema.

¹³Ndikarwadza mŋoyo waŋgu kutȿaka nokunɀera noʋucenjeri ɀose ɀinoitwa pasi peɗeŋga; iɓasa rinotambudza rakapiwa ʋanakomana ʋaʋanhu naMŋari, kuti ʋaɀitambudze naro.

¹⁴Ndakaʋona maɓasa ose anoitwa pasi pezuʋa; tarirai, ɀose haɀinamaturo, ndiko kudziŋgana nemhepo ɓedzi.

¹⁵Cakakombama hacibviri kururamiswa; cinoshaikwa hacibviri kuʋereŋgwa.

¹⁶Ndakataurirana nomŋoyo waŋgu, ndiciti: Tarira ndaɀiwanira ʋucenjeri ʋukuru, kukunda ʋose ʋakanditaŋgira paJerusarema; ɀirokwaɀo mŋoyo waŋgu wakaʋona ʋucenjeri ʋuzhinji neziʋo.

¹⁷Asi ndakati ndicirwadza mŋoyo waŋgu kuti ndiziʋe ʋucenjeri neziʋo, noʋupeŋgo noʋupenzi, ndikaʋona kuti naiɀoɀo ʋo ndiko kudziŋgana nemhepo ɓedzi.

¹⁸Nokuti muʋucenjeri ʋuzhinji munokucema kuzhinji; ʋuye, unowedzera ziʋo, unowedzera shuŋgu.