Read Original Shona Union Bible 1949 Baiberi Magwaro Matȿene aMŋari Muparidzi 10 Bible Online

Muparidzi 10 - Original Shona Union Bible 1949 Baiberi Magwaro Matȿene aMŋari bible

Muparidzi 10

¹Nhunzi dzakafa dzinonhuwisa nokuʋodza cizoro comuveŋganisi weɀinonhuwira; saiɀoɀo ʋupenzi ʋushoma ʋunorema kukunda ʋucenjeri nokukudzwa.

²Mŋoyo womunhu wakacenjera uri kurudyi rwake, asi mŋoyo weɓenzi uri kuruɓoshwe rwake.

³Ɀirokwaɀo, kana ɓenzi ricifamba panzira, rinoshaiwa njere; rinoziʋisa ʋose kuti ndiri ɓenzi.

⁴Kana kutsamŋa kwomuɓati kukakumukira, usabva panɀimbo yako; nokuti ʋunyoro ʋunonyaradza mhoȿa huru.

⁵Cinhu cakaipa ciri’po candakaʋona pasi pezuʋa, kuri kutadza kunobva kuʋaɓati:

⁶Ʋupenzi ʋunoiswa pakakwirira, asi ʋafumi ʋanogara pakaɗerera.

⁷Ndakaʋona ʋaranda ʋakataȿa mabiza, namacinda acifamba pasi saʋaranda.

⁸Unocera gomba, ucawira’mo amene; aninani unokoromora ruȿiŋgo, nyoka icamuruma.

⁹Aninani unoputsa mabge, uŋgakuʋadzwa nawo; ʋuye unoɓanzura huni, uri panjodzi.

¹⁰Kana simbi yakomara, munhu akasairodza, unofanira kunyanya kuɓata nesimba; asi ʋucenjeri ʋunoɓatsira pakururamisa.

¹¹Kana nyoka ikaruma isati yarapxa namazaŋgo, ŋaŋga haiɓatsiri.

¹²Mashoko anobva mumuromo wowakacenjera, anofadza; asi miromo yeɓenzi inomumedza iye.

¹³Kutaŋga kwamashoko omuromo waro ʋupenzi; nokuguma kwokutaura kwaro ʋupeŋgo bgakashata.

¹⁴Ƃenzi rinowanza ʋo mashoko; asi munhu haaziʋi ɀicaʋa’po; ndiani uŋgamuziʋisa ɀicazoʋa’po shure kwake?

¹⁵Kuɓata kwamapenzi kunonetsa mumŋe nomumŋe waʋo; nokuti haatoŋgoziʋi nzira yokuenda nayo kuguta.

¹⁶Iwe nyika unenhamo, kana mambo wako ari mŋana, kana macinda ako aciita mutambo maŋgwanani.

¹⁷Unomufaro, iwe nyika, kana mambo wako ari mŋanakomana waʋakakudzwa, kana macinda ako aciita mutambo paŋguʋa yakafanira, kuti asimbiswe, asiŋgaitiri kuɓatwa.

¹⁸Noʋusimbe ɗeŋga reimba rinosakara; nokusaɓata kwamaʋoko imba inoɗonha.

¹⁹Mutambo unoitirwa kuseka, ʋuye waini inofadza ʋupenyu; ɀose ɀiŋgawanikwa nemari.

²⁰Usatuka mambo, kunyaŋge pakufuŋga kwako; usatuka mufumi paimba yako yokuʋata; nokuti shiri yokuɗeŋga iŋgatakura inzwi, ʋuye iɀo ɀinamapapiro ɀiŋgaziʋisa shoko.