Read Original Shona Union Bible 1949 Baiberi Magwaro Matȿene aMŋari Muparidzi 11 Bible Online

Muparidzi 11 - Original Shona Union Bible 1949 Baiberi Magwaro Matȿene aMŋari bible

Muparidzi 11

¹Kandira ɀokudya ɀako pamsoro pemvura, nokuti ucaɀiwana ɀe mazuʋa mazhinji apfuʋura.

²Goʋerana naʋanomŋe, kunyaŋge naʋasere ʋo, nokuti hauziʋi ɀakaipa ɀakaɗini ɀiŋgaʋa panyika.

³Kana makore azara nemvura, anoiɗururira panyika; ʋuye kana muti ukawira pasi kurutiʋi rwezasi, kana rwokumsoro, ipo panowira muti ndi’po paucaʋata.

⁴Unogara acicerekedza mhepo haaŋgakushi; ʋuye unotarira makore, haaŋgaceki.

⁵Seɀausiŋgaziʋi mufambire wemhepo, kana mukurire wamafupa muɗumbu romukadzi unemimba, saiɀoɀo ʋo hauziʋi ɓasa raMŋari, unoita ɀose.

⁶Kusha mbeu dzako maŋgwanani, usabvisa ruʋoko rwako maɗekwana; nokuti hauziʋi kuti cicakura ndecipi, kana ici kana ico, kana ɀimŋe ɀiʋiri ɀose ɀicafanana pakunaka.

⁷Ɀirokwaɀo, ciedza cakanaka, ʋuye meso anofara nokuʋona zuʋa.

⁸Ɀirokwaɀo, kana munhu akararama makore mazhinji, ŋgaafarire ose; asi ŋgaaraŋgarire mazuʋa erima, kuti acaʋa mazhinji; ɀose ɀinozoʋuya haɀinamaturo.

⁹Fara hako, iwe jaya, paʋuɗuku bgako, mŋoyo wako ŋgaukufadze pamazuʋa oʋujaya bgako; famba nenzira dzomŋoyo wako, napakuʋona kwameso ako; asi uziʋe kuti Mŋari ucazokutoŋga pamsoro paiɀoɀo ɀose.

¹⁰Dziŋga ɀinonetsa pamŋoyo pako, ubvise ɀakaipa panyama yako, nokuti ʋuɗuku noʋujaya haɀinamaturo.