Read Original Shona Union Bible 1949 Baiberi Magwaro Matȿene aMŋari Muparidzi 7 Bible Online

Muparidzi 7 - Original Shona Union Bible 1949 Baiberi Magwaro Matȿene aMŋari bible

Muparidzi 7

¹Mbiri yakanaka inopfuʋura cizoro cakanaka, nezuʋa rokufa kupfuʋura zuʋa rokuɀarwa.

²Ɀirinani kuenda kuimba yokucema, pakuenda kuimba yomutambo; nokuti ndiwo mugumo waʋanhu ʋose; munhu mupenyu ucaɀiraŋgarira pamŋoyo pake.

³Kucema kunopfuʋura kuseka, nokuti mŋoyo unofadzwa nokupunyaira kweciso.

⁴Mŋoyo yaʋakacenjera iri paimba yokucema, asi mŋoyo yamapenzi iri paimba yokufara.

⁵Ɀirinani kuti munhu anzwe kutuka kwaʋakacenjera, pakuti anzwe kuimba kwamapenzi.

⁶Nokuti kuseka kweɓenzi kwakafanana nokuputika kweminzwa pasi pehari; naiɀoɀo ʋo haɀinamaturo.

⁷Ɀirokwaɀo kumanikidza kunoita mucenjeri ɓenzi; ʋuye fufuro inoparadza njere.

⁸Kuguma kwecinhu kunopfuʋura kutaŋga kwaco; unomŋoyo murefu unopfuʋura unomŋoyo unoɀikudza.

⁹Usakurumidza pamŋeya wako kutsamŋa, nokuti kutsamŋa kunogara pacifuʋa camapenzi.

¹⁰Usati: Mazuʋa ekare anopfuʋura aɀino nokunaka neiko? Nokuti hauŋgabvunzi saiɀoɀo noʋucenjeri.

¹¹Ʋucenjeri bgakaenzana nenhaka; ɀirokwaɀo, bgaiȿo‐naka kunaʋanoʋona zuʋa.

¹²Nokuti ʋucenjeri citaʋiridzo, mari ʋo citaʋiridzo; asi kunakisa kweziʋo ndiko, kuti ʋucenjeri ʋunoceŋgeta ʋupenyu bgaiye unabgo.

¹³Cerekedza ɓasa raMŋari, nokuti ndiani uŋgaruramisa caakakombamisa iye?

¹⁴Fara nezuʋa rokugara ɀakanaka, raŋgarira nezuʋa rokutambudzika; Mŋari ndiye wakaita iɀoɀo ɀose ɀiʋiri, kuti munhu arege kuziʋa ɀiri mberi kwake.

¹⁵Iɀoɀi ɀose ndakaɀiʋona pamazuʋa aŋgu asinamaturo: Wakarurama uri’ko, unoparara pakati pokururama kwake, ʋuye ɀe, munhu wakaipa uri’ko, unorarama ŋguʋa huru pakati peɀakaipa ɀake.

¹⁶Usaʋa munhu wakaiȿo‐rurama, usaʋa wakaiȿo‐cenjera; ucaɀiparadzireiko?

¹⁷Usaʋa munhu wakaiȿo‐ipa, ʋuye usaʋa ɓenzi; ucafireiko ŋguʋa yako isati yaȿika?

¹⁸Ɀakanaka kuti uɓatisise cinhu ici, ʋuye usabvisa ruʋoko rwako panececo; nokuti unotya Mŋari, ucapukunyuka panaiɀoɀo ɀose.

¹⁹Ʋucenjeri ʋunosimbisa wakacenjera kupfuʋura ʋaɓati ʋanegumi ʋari muguta.

²⁰Ɀirokwaɀo, hapanomunhu wakarurama panyika, unoita ɀakanaka, asiŋgatadzi.

²¹Ʋuye ɀe, usaʋa nehanya namashoko ose anotaurwa, kuti urege kunzwa muranda wako acikutuka.

²²Nokuti kazhinji mŋoyo wako unoziʋa kuti newe ʋo wakatuka ʋamŋe saiɀoɀo.

²³Iɀoɀi ɀose ndakaɀiidza noʋucenjeri; ndakati: Ndicaʋa wakacenjera; asi ɀakaŋga ɀiri kure neni.

²⁴Iɀo, ɀiri’po, ɀiri kure, ɀakadzika kwaɀo, ndiani uŋgaɀiziʋa?

²⁵Ndakatendeʋuka, mŋoyo waŋgu ukaɗa kuziʋa nokunɀera, nokutȿaka ʋucenjeri namano, ndiziʋe kuti kuipa ʋupenzi, noʋupenzi kupeŋga.

²⁶Ndikawana cinhu cinoʋaʋa kukunda rufu, ndiye mukadzi uri musuŋgo, mŋoyo wake ari mambure, namaʋoko ake ɀisuŋgo; aninani unofadza Mŋari, ucapukunyuka kwaari; asi mutadzi ucaɓatwa naye.

²⁷Ɀanzi noMuparidzi: Tarirai, ndiɀoɀi ɀandakawana, ndiciʋereŋga cinhu cimŋe necimŋe, kuti ndiwane shumo yaɀo;

²⁸ɀinoŋgoramba ɀicitȿakwa nomŋeya waŋgu, asi ndigere kuɀiwana: Ndakawana murume mumŋe pakati pecuru cezana, asi handina‐kuwana mukadzi pakati paʋazhinji ʋakaɗai.

²⁹Asi tarirai, cinhu cimŋe ici cete ndico candakawana, kuti Mŋari wakaita munhu akarurama, asi iʋo ʋakatȿaka mano mazhinji.