Read Original Shona Union Bible 1949 Baiberi Magwaro Matȿene aMŋari Muparidzi 8 Bible Online

Muparidzi 8 - Original Shona Union Bible 1949 Baiberi Magwaro Matȿene aMŋari bible

Muparidzi 8

¹Ndiani wakafanana nomunhu wakacenjera? Ndiani unoziʋa kuɗudzira cinhu? Ʋucenjeri bgomunhu ʋunobginyisa ciso cake; hasha dzeciso cake dzinoshandurwa.

²Ndinoti: Ceŋgeta murairo wamambo, uɀiite nokuɗa kweɀawakapikira Mŋari.

³Usakurumidza kubva pamberi pake; usatsuŋgirira pacinhu cakaipa, nokuti unoita ɀose ɀaanoɗa.

⁴Nokuti shoko ramambo rinesimba; ndiani uŋgati kwaari: Munoiteiko?

⁵Munhu unoceŋgeta murairo, haaŋgaʋoni cinhu cakaipa; mŋoyo wowakacenjera unoziʋa ŋguʋa nokutoŋgwa.

⁶Nokuti cinhu cimŋe necimŋe cineŋguʋa yaco nokutoŋgwa kwaco; nokuti kushata kwomunhu kunomuremedza;

⁷nokuti haaziʋi ɀicazoʋa’po; nokuti ndiani uŋgamuziʋisa kuti ɀicaʋa ɀakaɗini?

⁸Hakunomunhu unesimba pamsoro pemhepo, kuti adziʋirire mhepo; ʋuye haanesimba pamsoro pezuʋa rorufu; hakuna‐kukaŋganwirwa pakurwa; saiɀoɀo ɀakaipa haɀiŋgarwiri iye unoɀiita.

⁹Iɀoɀi ɀose ndakaɀiʋona, ndikaraŋgarira nomŋoyo waŋgu maɓasa ose anoitwa pasi pezuʋa, paŋguʋa kana mumŋe munhu anesimba pamsoro pomumŋe, acimuitira ɀakaipa.

¹⁰Saiɀoɀo ndakaʋona wakaipa aciʋigwa, ʋanhu ʋakaʋuya kubgiro bgake; asi ʋakaŋga ʋaita ɀakarurama ʋakabva panɀimbo tȿene, ʋakakaŋganikwa muguta; naiɀoɀo haɀinamaturo.

¹¹Kutoŋgwa ɀakusiŋgakurumidzi kuʋuya pamsoro peɓasa rakaipa, mŋoyo yaʋanakomana ʋaʋanhu inotsuŋgirira kuita ɀakaipa.

¹²Kunyaŋge mutadzi akaita ɀakaipa runezana, akaʋa namazuʋa mazhinji, kunyaŋge ɀakaɗaro ndinoziʋa ɀirokwaɀo kuti ʋanotya Mŋari, ʋanotya pamberi pake, ʋacagara ɀakanaka;

¹³asi wakaipa haaŋgagari ɀakanaka, haaŋgaʋi namazuʋa mazhinji, ɀaakafanana nomumvuri; nokuti haatyi pamberi paMŋari.

¹⁴Cinhu cisinamaturo ciri’po, cinoitwa panyika, ndico kuti ʋakarurama ʋari’ko ʋanoitirwa seɀinoitirwa maɓasa aʋakaipa, ʋuye ɀe ʋakaipa ʋari’ko ʋanoitirwa seɀinoitirwa maɓasa aʋakarurama; ndikati: Naiɀoɀi haɀinamaturo.

¹⁵Ipapo ndakarumbidza mufaro, nokuti munhu haanecinhu cinopfuʋura ici, kuti adye, anwe, afare; kuti iɀoɀo ɀigare naye pakuɓata kwake mazuʋa ose oʋupenyu bgake, bgaakapiwa naMŋari pasi pezuʋa.

¹⁶Ɀino ndakati ndiciraŋgarira nomŋoyo waŋgu kuti ndiziʋe ʋucenjeri nokuʋona kuɓata kunoitwa panyika (nokuti ʋamŋe ʋari’ko ʋasiŋgaʋoni hope nameso aʋo masikati noʋusiku),

¹⁷ndikaʋona maɓasa ose aMŋari, kuti munhu haaŋganzwisisi maɓasa ose anoitwa pasi pezuʋa; nokuti kunyaŋge munhu akatambura hake kuti aɀinɀere, haaŋgaɀinzwisisi hake; ɀirokwaɀo, kunyaŋge munhu, wakacenjera, aciti, ndinoɀiziʋa, kunyaŋge ɀakaɗaro, haaŋgagoni kuɀinzwisisa.