Read Original Shona Union Bible 1949 Baiberi Magwaro Matȿene aMŋari Rwiyo Rukuru 2 Bible Online

Rwiyo Rukuru 2 - Original Shona Union Bible 1949 Baiberi Magwaro Matȿene aMŋari bible

Rwiyo Rukuru 2

¹Ndiri ruʋa reɓundo rokuSharoni, Ndiri ruʋa rokumapani.

²Seruʋa pakati peminzwa, Ndiɀo ɀakaita muɗiwa waŋgu pakati paʋakunda.

³Somuapuri pakati pemiti yokuɗondo, Ndiɀo ɀakaita muɗiwa waŋgu pakati paʋanakomana. Ndakagara mumumvuri wake nomufaro mukuru; Ɀiɓereko ɀake ɀakaŋga ɀicinaka pamukanwa waŋgu.

⁴Wakandiisa kuimba yomutambo; Mureza wake pamsoro paŋgu rwakaŋga ruri ruɗo.

⁵Nditsigirei namazambiriŋga akawomeswa, ndisimbisei namaapuri; Nokuti ndinorwara noruɗo.

⁶Ruʋoko rwake rworuɓoshwe ruri pasi pomusoro waŋgu; Ruʋoko rwake rworudyi runondimbundikira.

⁷Ndinokupikirai, imi ʋakunda ʋeJerusarema, Nemharapara nenondo dzokuɓundo, Kuti murege kupfutidza kana kumutsa ruɗo, Kuȿikira irwo rwaɗa rumene.

⁸Inzwai inzwi romuɗiwa waŋgu! Tarirai, woʋuya, Acikwakuka pamakomo, Acicirika paɀikomo.

⁹Muɗiwa waŋgu wakafanana nemharapara kana nomŋana wenondo; Tarirai, womira seri kworuȿiŋgo rweɗu; Unotarira napamawindi; Unoɗoŋgorera napaɀitanda ɀamawindi.

¹⁰Muɗiwa waŋgu wakataura, akati kwandiri: Simuka, shamŋari yaŋgu, wakanaka waŋgu, ʋuya!

¹¹Nokuti, tarira, cando caenda; Mvura yapera, yaenda;

¹²Maruʋa oʋonekwa panyika; Ŋguʋa yokurira kweshiri yaȿika, Nenzwi renjiʋa rinonzwika panyika yeɗu.

¹³Muʋonde woibvisa maʋonde awo mambishi, Ʋuye mizambiriŋga yotuŋga maruʋa; Yoɓuɗisa kunhuwira kwawo; Simuka, shamŋari yaŋgu, wakanaka waŋgu, ʋuya!

¹⁴Iwe njiʋa yaŋgu, uri mumikaha yeɗombo, Pakadzitika pamawere; Ndiʋone ciso cako, Ndinzwe inzwi rako; Nokuti inzwi rako rakanaka, ciso cako cakanaka.

¹⁵Tiɓatirei makaʋa, makaʋa maɗuku, Anotadzira minda yemizambiriŋga; Nokuti minda yeɗu yemizambiriŋga yotuŋga maruʋa.

¹⁶Muɗiwa waŋgu ndowaŋgu, neni ndiri wake; Unofudza makwai ake pakati pamaruʋa eɓundo.

¹⁷Kana zuʋa rotonhorera, nemimvuri yotiza, Tendeʋuka, muɗiwa waŋgu, uʋe semharapara nomŋana wenondo Pamsoro pamakomo eBeteri.