Read Original Shona Union Bible 1949 Baiberi Magwaro Matȿene aMŋari Rwiyo Rukuru 3 Bible Online

Rwiyo Rukuru 3 - Original Shona Union Bible 1949 Baiberi Magwaro Matȿene aMŋari bible

Rwiyo Rukuru 3

¹Ʋusiku, ndiri panhoʋo dzaŋgu, Ndakamutȿaka unoɗikanwa nomŋeya waŋgu; Ndakamutȿaka, asi handina‐kumuwana.

²Ndikati: Ndicasimuka ɀino, ndifambe‐fambe neguta; Panzira dzomumusha, napamaɗare Ndi’po pandicatȿaka unoɗikanwa nomŋeya waŋgu; Ndikamutȿaka, asi handina‐kumuwana.

³Ʋarindi, ʋanofamba‐famba neguta, ʋakandiwana; Ndikati kwaʋari: Matoŋgoʋona unoɗikanwa nomŋeya waŋgu here?

⁴Ndakati ndaŋgobva kwaʋari, ndapfuʋura ɀishoma, Ndikamuwana iye unoɗikanwa nomŋeya waŋgu; Ndikamuɓata, ndikaramba kumuregedza, Kuȿikira ndamuisa mumba mamai ʋaŋgu, Muimba yomukati yaiye wakandiɓereka.

⁵Ndinokupikirai, imi ʋakunda ʋeJerusarema, Nemharapara nenondo dzokuɓundo, Kuti murege kupfutidza kana kumutsa ruɗo, Kuȿikira irwo rwaɗa rumene.

⁶Ndianiko uyo unokwira acibva kurenje Seshoŋgwe dzoʋutsi, Unonhuwira nemura neɀinonhuwira, Neɀakakuyiwa ɀose ɀomuteŋgesi?

⁷Tarirai, ndico cigaro caSoromoni cinotakurwa; Mhare dzinamakumi matanhatu dzakacikomberedza, Ʋanobva pamhare dzaʋaIsraeri.

⁸Ʋose ʋanoziʋa kuɓata munondo, ʋakadzidza kurwa; Murume mumŋe nomumŋe unomunondo wake pahudyu yake, Nokuɗa kweɀinotyisa ʋusiku.

⁹Mambo Soromoni wakaɀiitira cigaro cinotakurwa Camatanda eRebanoni.

¹⁰Wakaita mbiru dzaco nesirveri, Musana waco nendarama, pokugara kwaco nomuceka mutȿuku, Mukati maco makaroŋgwa noruɗo Rwaʋakunda ʋeJerusarema.

¹¹Ƃuɗai, imi ʋakunda ʋeZioni, muʋone mambo Soromoni, Anekorona yaakadzikwa namai ʋake Pazuʋa rokuwana kwake, Napazuʋa romufaro womŋoyo wake.