Read Original Shona Union Bible 1949 Baiberi Magwaro Matȿene aMŋari Rwiyo Rukuru 4 Bible Online

Rwiyo Rukuru 4 - Original Shona Union Bible 1949 Baiberi Magwaro Matȿene aMŋari bible

Rwiyo Rukuru 4

¹Tarira, wakanaka sei, shamŋari yaŋgu; tarira, wakanaka sei! Meso ako akafanana neenjiʋa pakutarira kwawo pakati pecifukidzo cako; Vudzi rako rakafanana neɓoka rembudzi, Dzinoɓurukira mujiŋga megomo reGireadi.

²Meno ako akafanana neɓoka ramakwai acaŋgoʋeʋurwa, Anobva pakushambga; Rimŋe nerimŋe rawo rinaʋana ʋaʋiri, Hakunerimŋe risinomŋana.

³Miromo yako yakafanana norwonzi rwakatȿuka; Kutaura kwako kwakanaka; Ɀaʋoʋo ɀako ɀakafanana neɓande reɗamba Pakutarira kwako pakati pecifukidzo cako.

⁴Mutsipa wako wakafanana nenhare yaDavidi Yakaʋakirwa nhumbi dzokurwa, Makaturikwa nhoʋo dzinecuru cezana, Dzose dziri nhoʋo dzemhare.

⁵Mazamu ako maʋiri akafanana naʋana ʋemharapara, Ʋari ʋana ʋakaɓerekwa ʋari ʋaʋiri, Ʋanocera pakati pamaruʋa eɓundo.

⁶Kana zuʋa rotonhorera, mimvuri yotiza, Ndicaenda kugomo remura, Nokucikomo ceɀinonhuwira.

⁷Wakaiȿo‐naka, iwe shamŋari yaŋgu; Hakunegwapa kwauri.

⁸Hendei tose, iwe mŋeŋga waŋgu, tibve paRebanoni, Tibve paRebanoni tose; Tarira uri pamusoro weAmana, Pamisoro yeSeniri neHermoni, Panɀimba dzeshumba, Pamakomo eŋgwe.

⁹Wanditorera mŋoyo waŋgu, hanɀadzi yaŋgu, mŋeŋga waŋgu; Wanditorera mŋoyo waŋgu nokunditarira kamŋe nameso ako, Necishoŋgo cimŋe comutsipa wako.

¹⁰Ruɗo rwako rwakanaka sei, hanɀadzi yaŋgu, mŋeŋga waŋgu! Ruɗo rwako runopfuʋura waini ɀikuru sei! Nokunhuwira kweɀizoro ɀako miti yose inonhuwira!

¹¹Miromo yako, mŋeŋga waŋgu, inoɗonha muȿi woʋuci; Ʋuci nomukaka ɀiri pasi porurimi rwako; Kunhuwira kweŋguʋo dzako kwakafanana nokunhuwira kweRebanoni.

¹²Hanɀadzi yaŋgu, mŋeŋga waŋgu, munda wakakomberedzwa, Cituɓu cakapoteredzwa, tsime rakafunhirwa.

¹³Mataʋi ako munda wamatamba, uneɀiɓereko ɀakaiȿo‐naka; Maruʋa ehena nenardo,

¹⁴Nardo nesafroni, Karmusi nekinamuni, nemiti yose inonhuwira; Mura negaʋakaʋa, neɀose ɀinoiȿonhuwira.

¹⁵Uri tsime reminda, Cituɓu cemvura mhenyu, Nenzizi dzinoyerera dzicibva Rebanoni.

¹⁶Muka, iwe mhepo yokumsoro; ʋuya, iwe mhepo yezasi; Furidzira pamunda waŋgu, kuti ɀinonhuwira ɀawo ɀiɓuɗire kunze. Muɗiwa waŋgu ŋgaapinde mumunda make, Ŋgaadye ɀiɓereko ɀake ɀakaiȿo‐naka.