Read Original Shona Union Bible 1949 Baiberi Magwaro Matȿene aMŋari Rwiyo Rukuru 5 Bible Online

Rwiyo Rukuru 5 - Original Shona Union Bible 1949 Baiberi Magwaro Matȿene aMŋari bible

Rwiyo Rukuru 5

¹Ndapinda mumunda maŋgu, hanɀadzi yaŋgu, mŋeŋga waŋgu; Ndaʋuŋganidza mura yaŋgu neɀinonhuwira ɀaŋgu; Ndadya muȿi woʋuci bgaŋgu noʋuci bgaŋgu; Ndanwa waini yaŋgu nomukaka waŋgu. Idyai, shamŋari dzaŋgu; Inwai, ɀirokwaɀo, inwai ɀikuru, ʋaɗiwa ʋaŋgu.

²Ndakaŋga ndiʋete, asi mŋoyo waŋgu wakaŋga wakaȿinura; Inzwi romuɗiwa waŋgu, unogogodza, aciti: Ndizarurire, hanɀadzi yaŋgu, muɗiwa waŋgu, njiʋa yaŋgu, wakakwana waŋgu; Nokuti musoro waŋgu uzere neɗoʋa, Vudzi raŋgu namaɗonhedza oʋusiku.

³Ndabvisa ŋguʋo yaŋgu; ndiŋgaifuka sei? Ndashambidza tsoka dzaŋgu; ndiŋgadziȿiɓisa sei?

⁴Muɗiwa waŋgu wakapinza ruʋoko rwake napaʋuri romukoʋa, Mŋoyo waŋgu ukamushuʋa.

⁵Ndakasimuka, ndiciti ndizarurire muɗiwa waŋgu; Maʋoko aŋgu akaɗonha mura, Neminwe yaŋgu mura inoyerera, Paɀiɓato ɀecizarira.

⁶Ndakazarurira muɗiwa waŋgu; Asi muɗiwa waŋgu wakaŋga atendeʋuka, aenda. Mŋeya waŋgu wakaŋga watorwa pakutaura kwake; Ndakamutȿaka, asi handina‐kumuwana; Ndikamuɗana, asi haana‐kundipindura.

⁷Ʋarindi, ʋanofamba‐famba neguta, ʋakandiwana; Ʋakandiroʋa, ʋakandikuʋadza; Ʋatariri ʋamaȿiŋgo ʋakanditorera jasi raŋgu.

⁸Ndinokupikirai, imi ʋakunda ʋeJerusarema, Kana mukawana muɗiwa waŋgu, Mumuʋudze kuti ndinorwara noruɗo.

⁹Ko muɗiwa wako unopfuʋura ʋamŋe ʋaɗiwa neiko, Nhai, iwe, unopfuʋura ʋakadzi ʋose nokunaka? Ko muɗiwa wako unopfuʋura ʋamŋe ʋaɗiwa neiko, Ɀaunotipikira saiɀoɀo?

¹⁰Muɗiwa waŋgu wakacena nokutȿuka, Unozikanwa pakati pezana ramazana.

¹¹Musoro wake wakaita sendarama yakaiȿo‐naka; Vudzi rake rakapetana, iɗema seguŋguʋu.

¹²Meso ake akaita seenjiʋa pahoʋa dzemvura, Dzakashambga nomukaka, seɀibge ɀakaroŋgedzwa ɀakanaka.

¹³Matama ake akaita sendima yemiti inonhuwira, Samatutu emiriʋo inonaka; Miromo yake yakaita samaruʋa anoɗonha mura inoyerera.

¹⁴Maʋoko ake akaita samapaŋgo endarama, akaiswa beriri; Muʋiri wake wakaita senyaŋga dzenzou, dzakafukidzwa nesafiro.

¹⁵Makumbo ake akaita sembiru dzamabge macena, dzakaiswa paɀigadziko ɀendarama yakaiȿo‐naka; Kuʋonekwa kwake kwose kwakafanana neRebanoni, kwakaiȿo‐naka semisidari.

¹⁶Muromo wake wakanaka kwaɀo; Ɀirokwaɀo, wakaiȿo‐naka kwaɀo‐kwaɀo. Ndiɀo ɀakaita muɗiwa waŋgu, ndiɀo ɀakaita shamŋari yaŋgu, Imi ʋakunda ʋeJerusarema.