Read Original Shona Union Bible 1949 Baiberi Magwaro Matȿene aMŋari Rwiyo Rukuru 6 Bible Online

Rwiyo Rukuru 6 - Original Shona Union Bible 1949 Baiberi Magwaro Matȿene aMŋari bible

Rwiyo Rukuru 6

¹Muɗiwa wako wakaendepiko, Iwe, unopfuʋura ʋakadzi ʋose nokunaka? Muɗiwa wako wakariŋgirepiko, Kuti timutȿake pamŋe cete newe?

²Muɗiwa waŋgu wakadzira kumunda wake, Kundima dzemiti inonhuwira, Kufudza makwai ake muminda, nokutanha maruʋa.

³Ini ndiri womuɗiwa waŋgu, muɗiwa waŋgu ndowaŋgu; Unofudza makwai ake pakati pamaruʋa.

⁴Wakanaka, shamŋari yaŋgu, saTirza, Wakanaka seJerusarema, Unotyisa sehondo inemireza.

⁵Usanditarira nameso ako, Nokuti andikunda. Vudzi rako rakafanana neɓoka rembudzi, Dzinoɓurukira mujiŋga megomo reGireadi.

⁶Meno ako akafanana neɓoka renhunɀi dzamakwai, Dzinobva pakushambga; Rimŋe nerimŋe radzo rinaʋana ʋaʋiri, Hakunerimŋe risinomŋana.

⁷Ɀaʋoʋo ɀako ɀakafanana neɓande reɗamba Pakutarira kwako pakati pecifukidzo cako.

⁸Ʋahosi ʋanamakumi matanhatu naʋaroŋgo ʋanamakumi masere ʋari’ko, Nemhandara dzisiŋgaperi.

⁹Njiʋa yaŋgu, wakakwana waŋgu, ndiye mumŋe oga; Ndiye mŋana mumŋe woga wamai ʋake; Ndiye musanaŋgurwa wowakamuɓereka; Ʋakunda ʋakamuʋona, ʋakati wakaropafadzwa; Naʋahosi naʋaroŋgo, ʋakamurumbidza.

¹⁰Ndianiko uyo unotarira samambakwedza, Wakanaka somŋedzi, Wakacena sezuʋa, Unotyisa sehondo inemireza?

¹¹Ndakaɓurukira kumunda wenzuŋgu, Kuti ndiʋone miti mitema mumupata, Kuti ndiʋone kana muzambiriŋga wotuŋga, Kana matamba otuŋga maruʋa.

¹²Ndisati ndaɀiziʋa, mŋeya waŋgu wakandiisa Pakati peŋgoro dzaʋanhu ʋaŋgu ʋakarurama.

¹³Dzoka, dzoka, Shuramiti; Dzoka, dzoka, kuti tikutarire. Munoɗa kutarira muShuramiti neiko, Seɀamunotarira kutamba kweMahanaimi?