Read Original Shona Union Bible 1949 Baiberi Magwaro Matȿene aMŋari Isaya 17 Bible Online

Isaya 17 - Original Shona Union Bible 1949 Baiberi Magwaro Matȿene aMŋari bible

Isaya 17

¹Cireʋo pamsoro peDamasko. Tarirai, Damasko robviswa, rirege kuzoʋa guta, ricaʋa ɗoŋgo rakakoromoka.

²Maguta eAroeri asiyiwa; acaʋa mafuro eɀipfuwo, ɀicaʋata’po pasi, ɀisina‐unoɀivundusa.

³Nhare icabviswa panaEfraimi, noʋushe paDamasko; ʋakasara ʋeSiria ʋacaʋa sembiri yaʋana ʋaIsraeri, ndiɀo ɀinotaura Jehova wehondo.

⁴Ɀino nezuʋa iro ʋukuru bgaJakobo ʋucaitwa ʋutete, ʋuye kukora kwenyama yake kucawonda.

⁵Ɀicafanana neŋguʋa kana muceki aciʋuŋganidza ɀiyo mumunda, aciceka hura noruʋoko rwake; ɀirokwaɀo ɀicafanana nokuʋuŋganidza hura pamupata weRefaimi.

⁶Kunyaŋge ɀakaɗaro mimŋe micero icasarira’mo, seɀinoitika kana muorivi ucizuzwa, ɀiɓereko ɀiʋiri kana ɀitatu kumuromo weɗaʋi rokumsoro‐soro, ɀinna kana ɀishanu pamataʋi okunze omuti unoɓereka kwaɀo, ndiɀo ɀinotaura Jehova, Mŋari waIsraeri.

⁷Nezuʋa iro ʋanhu ʋacatarira Musiki waʋo, meso aʋo acaʋona Mutȿene waIsraeri.

⁸Haʋaŋgatariri artari, iro ɓasa ramaʋoko aʋo; ɀakaitwa neminwe yaʋo haʋaŋgaʋi nehanya naɀo, kana iri miti yakatsaurwa kana mifananidzo yezuʋa.

⁹Nezuʋa iro maguta aʋo akasimba acaita samatoŋgo kumatondo napamisoro yamakomo, akasiyiwa nokuɗa kwaʋana ʋaIsraeri; acaʋa matoŋgo.

¹⁰Nokuti wakaŋganwa Mŋari Muponesi wako, hauna‐kuraŋgarira ɗombo roʋutiziro bgako. Saka unoɀisimira miti inofadza, unoisa’mo mizambiriŋga yakabva kumŋe.

¹¹Nomusi wokusima kwako, unouʋakira ruzhowa, fume maŋgwana unotumbusa mbeu dzako; asi kuceka kunotiza nezuʋa rokutambudzika nerokucema kukuru.

¹²Haiwa, kutinhira kwaʋanhu ʋazhinji, ʋanotinhira sokutinhira kweguŋgwa, nokuririma kwamarudzi aʋanhu, anoririma sokuririma kwemvura zhinji!

¹³Marudzi acaririma sokuririma kwemvura zhinji; asi ucaʋatuka, ʋacatizira kure, ʋacadziŋgirirwa sewindi yamakomo pamberi pemhepo, seguruʋa rinopfuŋgaira pamberi peɗutu remhepo.

¹⁴Neŋguʋa yamaɗekwana, tarirai, kucaʋa nokutyisa; maŋgwanani kusati kwaedza, haʋaci’po. Ndiwo mugoʋe waʋanotipambara, nomuɓairo waʋanotiɓira.