Read Original Shona Union Bible 1949 Baiberi Magwaro Matȿene aMŋari Isaya 19 Bible Online

Isaya 19 - Original Shona Union Bible 1949 Baiberi Magwaro Matȿene aMŋari bible

Isaya 19

¹Cireʋo pamsoro peEgipita. Tarirai, Jehova wakataȿa gore rinomhanya, wosweɗera Egipita; ɀifananidzo ɀeEgipita ɀicaɗeɗera pamberi pake, nomŋoyo weEgipita ucanyauka mukati mawo.

²Ndicamutsa mŋoyo yaʋaEgipita ʋamukire ʋaEgipita; mumŋe nomumŋe ucarwa nehama yake, mumŋe nomumŋe nowakaʋakirana naye; guta ricamukira guta, ʋushe ʋucamukira ʋushe.

³Mŋeya weEgipita ucapera mukati mawo; ndicaparadza kufuŋga kwawo; ʋacandobvunza ɀifananidzo, naʋanamazaŋgo, naʋaʋuki neŋaŋga.

⁴Ndicaisa ʋaEgipita muruʋoko rwamambo unehasha; mambo unomŋoyo mukukutu ucaʋaɓata ʋushe, ndiɀo ɀinotaura Ishe, Jehova wehondo.

⁵Mvura icapxa muguŋgwa, rwizi rucaɗerera nokuwoma.

⁶Nzizi dzicanhuwa, hoʋa dzeEgipita dzicaʋa shoma nokupxa; tsaŋga nenhokwe dzicawoma.

⁷Mafuro kunhiʋi dzaNairi, pamhenderekedzo dzaNairi, neminda yose yakadɀarwa yaNairi, ɀicawoma, ɀicatorwa nemhepo, haɀicazoʋi’po.

⁸Ʋaɓati ʋehoʋe ʋacacema, ʋose ʋanokandira ɀiredzo maNairi ʋacawuŋgudza, ʋanokanda ʋutaʋa bgaʋo mumvura ʋacapera simba.

⁹Ʋuye ʋanoɓata necinda yakanatswa, naʋanoruka miceka micena, ʋacanyadziswa.

¹⁰Mbiru dzicaputswa‐putswa; ʋose ʋanoɓatira muɓairo ʋacaʋa neshuŋgu pamŋeya.

¹¹Macinda eZoani mapenzi kwaɀo; mano amakota akaiȿo‐cenjera aFarao ashanduka ʋupenzi; munoreʋa seiko kunaFarao, muciti: Ndini mŋanakomana waʋakacenjera, mŋanakomana wamadzimambo akare?

¹²Ʋaripiko ɀino iʋo ʋanhu ʋako ʋakacenjera? Ŋgaʋakuʋudze ɀino; ŋgaʋaziʋise ɀakafuŋgwa naJehova wehondo pamsoro peEgipita.

¹³Macinda eZoani aʋa mapenzi, macinda eNofi akanyeŋgerwa; ʋakarashisa Egipita nzira, iʋo ʋaiʋa ibge rekona ramarudzi aʋo.

¹⁴Jehova wakaɗira mŋeya wokuramba mukati maʋo; ʋakarashisa Egipita nzira pamaɓasa aʋo ose, somunhu wakaɓatwa neɗoro unodzedzereka pakurutsa kwake.

¹⁵Saka Egipita haiŋgazoʋi neɓasa cose, riŋgaitwa nomusoro kana nomuswe, kana neɗaʋi romucindwe kana nenhokwe.

¹⁶Nezuʋa iro ʋaEgipita ʋacafanana naʋakadzi; ʋacaɗeɗera nokutya nokuɗa kwokusimudzwa kworuʋoko rwaJehova wehondo, rwaanosimudza pamsoro paʋo.

¹⁷Nyika yaJuda icaʋa cityiso ceEgipita; mumŋe nomumŋe unoɀiʋudzwa ucatya nokuɗa kwomutemo waJehova wehondo, waakatema pamsoro paʋo.

¹⁸Nezuʋa iro maguta mashanu acaʋa’po panyika yeEgipita, anotaura rurimi rweKanani, ʋacipika naJehova wehondo; mumŋe ucaidzwa Guta rokuparadzwa.

¹⁹Nezuʋa iro pakati penyika yeEgipita pacaʋa neartari kunaJehova, nembiru pamuganho waro kunaJehova.

²⁰Ɀicaʋa ciratidzo necapupu caJehova wehondo panyika yeEgipita; nokuti ʋacaɗanidzira kunaJehova nemhaka yaʋamanikidzi, ucaʋatumira muponesi nomurwiri, iye ucaʋaponesa.

²¹Jehova ucaɀiratidza kuEgipita, naʋaEgipita ʋacaziʋa Jehova nezuʋa iro; ɀirokwaɀo ʋacamunamata neɀiɓayiro neɀipo, ʋacapikira Jehova mhiko, nokuɀiita.

²²Jehova ucaroʋa Egipita, aciroʋa nokuporesa ɀe; ɀino ʋacadzokera kunaJehova, iye ucanzwa kunyeŋgetera kwaʋo akaʋaporesa.

²³Nezuʋa iro nzira huru icaʋa’po inobva Egipita icienda Asiria; ʋaAsiria ʋacaenda Egipita, naʋaEgipita ʋacaenda Asiria; ʋaEgipita ʋacanamata pamŋe cete naʋaAsiria.

²⁴Nezuʋa iro ʋaIsraeri ʋacaʋa rudzi rwecitatu ʋaciteʋera Egipita neAsiria, ʋacaʋa ruropafadzo pakati penyika;

²⁵nokuti Jehova wehondo wakaʋaropafadza, aciti: ƲaEgipita, ʋanhu ʋaŋgu, naʋaAsiria, ɓasa ramaʋoko aŋgu, naʋaIsraeri, nhaka yaŋgu, ŋgaʋaropafadzwe.