Read Original Shona Union Bible 1949 Baiberi Magwaro Matȿene aMŋari Isaya 23 Bible Online

Isaya 23 - Original Shona Union Bible 1949 Baiberi Magwaro Matȿene aMŋari bible

Isaya 23

¹Cireʋo pamsoro peTire. Cemai, imi, ɀikepe ɀeTarshishi; nokuti raparadzwa, hapacineimba, kana paŋgapindwa’po; ʋakaratidzwa iɀoɀo ʋari panyika yeKitimi.

²Imi mugere pamhenderekedzo yeguŋgwa, nyararai, iyemi maifumiswa naʋateŋgesi ʋeSidoni, ʋanofamba neguŋgwa.

³Fuma yaro ɀaiʋa ɀiyo ɀeShihori, ɀiɓereko ɀeNairi, ɀaiiswa’ko pamsoro pemvura; ndi’po paiteŋgeswa ɀose ɀamarudzi aʋanhu.

⁴Nyara, iwe Sidoni, nokuti guŋgwa rataura, nenhare yeguŋgwa, riciti: Handina‐kurwadziwa, handina‐kuɓereka, handina‐kurera majaya, kana kukurisa mhandara.

⁵Kana shoko riciȿika Egipita, ʋacaʋa neshuŋgu kwaɀo pamsoro peshoko reTire.

⁶Yambukirai Tarshishi; cemai, imi mugere pamhenderekedzo yeguŋgwa.

⁷Gara ndiro guta renyu raifara, raiʋa’po kubva kare nakare, raiiswa kure‐kure netsoka dzaro, kundogara’ko?

⁸Ndianiko wakafuŋgira Tire iɀoɀo, iro raipavurira korona, ʋateŋgesi ʋaro ʋaiʋa macinda, naʋashambadziri ʋaro ʋaiʋa ʋanokudzwa panyika?

⁹Jehova wehondo ndiye wakaɀifuŋga, kuti amhure kuɀikudza kweɀose ɀinokudzwa, nokuɀidza ʋose ʋanokudzwa panyika.

¹⁰Pararira panyika yako seNairi, iwe mukunda weTarshishi; hakucinebanhire rinokusuŋga.

¹¹Wakatambanudzira ruʋoko rwake pamsoro peguŋgwa, wakazunuŋgusa ʋushe; Jehova wakaraira pamsoro peKanani, kuti nhare dzayo dziparadzwe.

¹²Akati: Haucazofari, iwe mukunda weSidoni, mhandara yakamanikidzwa; simuka, uyambukire Kitimi; naikoko hauŋgawani zororo.

¹³Tarirai nyika yaʋaKardea; rudzi urwo haruci’po; ʋaAsiria ʋakaiita nyika yeɀikara ɀerenje; ʋakamisa shoŋgwe dzaʋo, ʋakawisa dzimba dzoʋushe dzaiʋa’mo; ʋakaiita ɗoŋgo.

¹⁴Cemai, imi ɀikepe ɀeTarshishi; nokuti nhare yenyu yaparadzwa.

¹⁵Ɀino neŋguʋa iyo Tire ricakaŋganikwa makore makumi manomŋe, ɀakaenzana namakore amambo mumŋe cete; kana makore makumi manomŋe apera, Tire ricaitirwa seɀinoimbga parwiyo rwecifeʋe, runoti:

¹⁶Iwe cifeʋe, wakaŋganikwa, tora mbira upote neguta; ridza ɀakanaka, imba nziyo dzakanaka, kuti uraŋgarirwe.

¹⁷Ɀino kana makore makumi manomŋe apera, Jehova ucashanyira Tire, ipapo ricadzokera kumuɓairo waro, ndokufeʋa noʋushe bgose bgenyika ʋuri pasi pose.

¹⁸Ɀarakashambadzira, nomuɓairo waro, ɀicaʋa ɀitȿene kunaJehova; haɀiŋgaceŋgetwi kana kuʋigwa; nokuti ɀarakashambadzira ɀicaʋa ɀaʋanogara pamberi paJehova, kuti ʋagute kwaɀo, ʋafuke ŋguʋo dzakanaka.