Read Original Shona Union Bible 1949 Baiberi Magwaro Matȿene aMŋari Isaya 30 Bible Online

Isaya 30 - Original Shona Union Bible 1949 Baiberi Magwaro Matȿene aMŋari bible

Isaya 30

¹Ɀanzi naJehova: Ʋanenhamo ʋana ʋanondimukira, ʋanofuŋga mano ʋasiŋgandibvunzi, ʋanoita suŋgano ɀisiŋgabvi paMŋeya waŋgu, kuti ʋawedzere ɀiʋi neɀiʋi;

²ʋanoɀiroŋgedza kuenda Egipita, ʋasino‐kubvunza muromo waŋgu, kuti ʋaɀisimbise nesimba raFarao, nokuʋanda mumumvuri weEgipita.

³Naiɀoɀo simba raFarao ricakunyadzisai, kuʋanda kwenyu mumumvuri waFarao kucaʋa kukaŋganisa kwenyu.

⁴Nokuti macinda aʋo ari paZoani, nhume dzake dzaȿika Hanesi.

⁵Ʋose ʋacanyadziswa pamsoro porudzi rwaʋanhu ʋasiŋgagoni kuʋafumisa, ʋasiŋgaʋaɓatsiri kana kuʋafumisa, asi kuʋanyadzisa nokuʋashoʋodza.

⁶Cireʋo pamsoro peɀikara ɀenyika yezasi. Panyika yokutambudzika neyokucema, kunobva shumba hadzi negonho, nenyoka, nenyoka yomŋoto inobururuka, ndi’po paʋanotakudza fuma yaʋo pamsoro pamafudzi aʋana ʋemboŋgoro, neɀinokosha ɀaʋo panyuŋgwa dzamakamera, ʋaciɀiisa kuʋanhu ʋasiŋgaʋafumisi.

⁷Nokuti Egipita inoɓatsira pasina, ɀisinamaturo; saka ndakaitumidza zita rokuti Rahabi unoŋgogara ɀake.

⁸Ɀino cienda, uɀinyore pamberi paʋo pahwendefa rebge, uɀinyore mubuku, ɀiʋe’po paŋguʋa inoʋuya nokusiŋgaperi‐peri.

⁹Nokuti aʋa rudzi runondimukira, ʋana ʋanenhema, ʋana ʋasiŋgaɗi kunzwa murairo waJehova;

¹⁰ʋanoti kuʋaʋoni: Musaʋona; nokuʋaprofita: Musatiprofitera ɀinhu ɀakarurama, tiʋudzei ɀinofadza, tiprofitere ɀinonyeŋgera;

¹¹ibvai panzira, tsaukai pagwara, bvisai Mutȿene waIsraeri pamberi peɗu.

¹²Naiɀoɀo ɀanzi noMutȿene waIsraeri: Ɀamunoɀidza shoko iri, muciʋimba nokumanikidzwa nokunyeŋgera, muciɀitenda iɀo;

¹³naiɀoɀo kuipa uku kucaʋa kwamuri sapakakoromoka panoɗa kuwa, panotȿeyama paruȿiŋgo rwakareɓa, panowa kamŋe‐kamŋe pakarepo.

¹⁴Ucaiputsa seɀinoputswa mudziyo womuʋumbi, ucaiputsa‐putsa asinenyasha, kuȿikira pacishaikwa pakati peɀimeɗu ɀayo caeŋga cokundogoka mŋoto naco pacoto, kana kutekesa mvura naco patsime.

¹⁵Nokuti ɀanzi naShe Jehova, Mutȿene waIsraeri: Pakudzoka nokuzorora ndi’po panoruponeso rwenyu, pakunyarara napakutenda ndi’po pacaʋa nesimba renyu; asi makaramba,

¹⁶mukati: Kwete, ticatiza takataȿa mabiza; saka mucatiza ɀenyu; ʋuye ɀe: Ticataȿa mabiza anomhanyisa; saka ʋanodziŋgana nemi ʋacamhanyisa.

¹⁷Ʋanecuru ʋacatiza kana ʋaciʋambga nomumŋe; mucatiza kana muciʋambga naʋashanu; kuȿikira masiyiwa seɗanda pamsoro pegomo, somureza pamsoro pecikomo.

¹⁸Naiɀoɀo Jehova ucambomira, kuti akunzwirei tsitsi; naiɀoɀo ucakudzwa, kuti aʋe nenyasha nemi, nokuti Jehova ndiMŋari wokururamisira; ʋakaropafadzwa ʋose ʋanomumirira.

¹⁹Nokuti ʋanhu ʋacagara paZioni paJerusarema; hamuŋgazocemi, ɀirokwaɀo ucakunzwirai tsitsi, kana acinzwa kucema kwenyu; kana acinzwa, ucakupindurai.

²⁰Kunyaŋge Ishe akakupai ciŋgwa cenhamo nemvura yokutambudzika, kunyaŋge ɀakaɗaro ʋadzidzisi ʋenyu haʋaŋgazoʋandi, asi meso enyu acaʋona ʋadzidzisi ʋenyu;

²¹nzeʋe dzenyu dzicanzwa shoko shure kwenyu, riciti: Heyi nzira, fambai nayo! kana muciɗa kutsaukira kurudyi, kana ɀimŋe muciɗa kutsaukira kuruɓoshwe.

²²Mucashatsa sirveri yakafukidza mifananidzo yenyu yakaʋezwa, nendarama yakanamirwa pamifananidzo yenyu yakaʋumbga; ucairashira kure secinhu cakashata; ucati kwaciri: Ibva pano.

²³Ucakupa mvura yokumeresa mbeu yako, yaucadɀara muvu; neɀokudya, ɀinoɓerekwa nevu, ɀicaʋa ɀakakora ɀizhinji. Nezuʋa iro ŋombe dzenyu dzicafura pamafuro makuru;

²⁴nzombe naʋana ʋemboŋgoro, ɀinorima minda, ɀicadya ɀokudya ɀakaruŋgwa, ɀakarudzwa nemitȿairo nemisero.

²⁵Pamsoro pegomo rimŋe nerimŋe rakareɓa, napacikomo cimŋe necimŋe cakakwirira, pacaʋa nenzizi nehoʋa dzemvura, nezuʋa rokuʋurawa kukuru kana shoŋgwe dziciwa.

²⁶Ʋuye ɀe, ciedza comŋedzi cicafanana neciedza cezuʋa, ciedza cezuʋa cicawedzerwa kanomŋe, seciedza camazuʋa manomŋe, nezuʋa iro kana Jehova acisuŋga pakakuʋara paʋanhu ʋake, nokuporesa ʋaŋga raʋakarobga.

²⁷Tarirai, zita raJehova rinobva kure, ricipisa nokutsamŋa kwake, riciɓuɗisa ʋutsi ʋuzhinji; miromo yake izere nehasha, rurimi rwake rwakafanana nomŋoto unopedza ɀose;

²⁸mŋeya wake wakaita sorwizi runofema kunze, runoȿikira pamutsipa, kuti asere marudzi aʋanhu nomusero wokuparadza; matomu anotsausa acaʋa mumiromo yaʋanhu.

²⁹Mucaimba rwiyo, seɀinoitwa ʋusiku kana mutambo mutȿene ucitambga; mucaʋa nokufara kwomŋoyo, wakafanana nowomunhu unoenda aciridza nyere kugomo raJehova, kuɗombo raIsraeri.

³⁰Jehova ucanzwisa inzwi rake roʋumambo, ucaratidza kuɓuruka kworuʋoko rwake, nokutsamŋa kwake kukuru, nomuraɀo womŋoto unopedza ɀose, necampupuri, nokunaya kukuru kwemvura, necimvuramabge.

³¹Nokuti muAsiria ucakaŋganiswa nenzwi raJehova; ucamuroʋa neshamhu.

³²Kuroʋa kwose kwetȿimbo yakatumŋa, yaacarobga nayo naJehova, kucaitwa nokurira kweŋgoma nembira; ucarwa naʋo nokurwa kucaʋazunuŋgusa.

³³Nokuti Tofeti rakagara ragadzirwa; ɀirokwaɀo rakagadzirirwa mambo; wakaridzikisa nokurikurisa; ɗutu riri’po mŋoto nehuni zhinji; mŋeya waJehova, wakafanana norwizi rwesurferi, ucaɀipfutidza.